गोदावरीके बजेट १ अर्ब ३० करोड ५ लाख

पहुरा समाचारदाता
धनगढी, १२ असार । गोदावरी नगरपालिकाके १७औँ नगरसभा अधिवेशनसे आगामी आर्थिक वर्ष २०८३÷८४ के लाग रु. १ अर्ब ३० करोड ५ लाख ८२ हजार बराबरके बजेट प्रस्तुत करल बा ।

१७औँ नगरसभा अधिवेशनमे नगर उपप्रमुख शारदादेवी रोकाया आगामी आर्थिक वर्ष २०८३÷८४ के लाग रु. १ अर्ब ३० करोड ५ लाख ८२ हजार बराबरके बजेट नगरसभामे प्रस्तुत करल रहिट । प्रस्तावित बजेटमध्ये ६७.४ प्रतिशत चालु खर्च तथा ३२.६ प्रतिशत पुँजीगत खर्चओर विनियोजन करल बा ।

नगरवासीके समृद्धि, पूर्वाधार विकास, शिक्षा, स्वास्थ्य, कृषि, रोजगार तथा आधारभूत सेवाके प्रभावकारी प्रवाहहे प्राथमिकतामे धारके बजेट निर्माण करल नगर प्रमुख विरेन्द्र भट्ट जनैलै ।

नगरसभामे नगर प्रमुख, वडा अध्यक्षहुक्रे तथा सक्कु निर्वाचित जनप्रतिनिधि, प्रमुख प्रशासकीय अधिकृतलगायत टमान विषयगत शाखाके प्रमुख हुकनके सहभागिता रहे ।