युनिक नेपाल लघुवित्तके विशेष साधारण सभा सम्पन्न

युनिक नेपाल, जीवन विकास ओ मानुषी लघुवित्तबीच बीग मर्जर हुइना प्रस्ताव सर्वसम्मतिसे पारित

पहुरा समाचारदाता
बाँके, ११ असार । युनिक नेपाल लघुवित्त वित्तीय संस्था लिमिटेडके टिसरा विशेष साधारण सभा सम्पन्न हुइल बा ।

बुधके रोज वित्तीय संस्थाके केन्द्रीय कार्यालय कोहलपुर, बाँकेमे आयोजित सभामे संस्थापक तथा सर्वसाधारण शेयरधनीहुकनके भौतिक उपस्थितिक्े साथे टमान स्थानसे रियल टाइम अनलाइन जुम प्रविधिसे सहभागिता रहल रहे ।

साधारण सभासे युनिक नेपाल लघुवित्त वित्तीय संस्था, जीवन विकास लघुवित्त वित्तीय संस्था ओ मानुषी लघुवित्त वित्तीय संस्थाबीच एक आपसमे गाभ्न÷गाभिन सम्बन्धमे सञ्चालक समितिके ओरसे अध्यक्षसे प्रस्तुत करल विशेष प्रस्ताव सहितके प्रतिवेदन सर्वसम्मतिसे पारित करले बा । निर्णय हुइलसंगे युनिक नेपाल ओ जीवन विकासमे गाभन सुनिश्चित हुइल हो ।

ओस्टेक करके मर्जरके सम्बन्धमे हालसम हुइल निर्णय तथा काम कारबाही, खर्च रकम, लेखापरीक्षकके नियुक्ति तथा पारिश्रमिक अनुमोदन कैना, सम्पति, दायित्व ओ कारोबारके मूल्यांकन प्रतिवेदनके आधारमे तय करल युनिक नेपाल, जीवन विकास ओ मानुषीके शेयर आदान प्रदान अनुपात क्रमशः १ः१ः०.८१ सम्बन्धमे सञ्चालक समितिके निर्णय अनुमोदन कैना, मर्जर सम्बन्धमे तयार पारल अन्तिम सम्झौता पत्र ओ व्यवसायिक योजना तथा प्रक्षेपण स्वीकृत कैना ओ मर्जर सम्बन्धी थप कार्य कैना सञ्चालक समितिहे अख्तियारी डेना लगायतके निर्णयफे पारित हुइल बा ।

विशेष साधारण सभामे संस्थापक सेयरधनी तथा सर्वसाधारण सेयरधनीहुकनके भौतिक रुपमे तथा रियल टाइम अनलाईन जूम प्रविधिसे ओ प्रोक्सी मार्फत जम्मा ६४.३७ प्रतिशत शेयर कित्ता धारण करल धनीहुकनके उपस्थिति रहे । विशेष साधारण सभामे पेश हुइल सक्कु प्रस्ताव सर्वसम्मतिसे पारित हुइल रहे ।

संचालक समिति अध्यक्ष शिवबहादुर चौधरीके अध्यक्षतामे उ विशेष साधारण सभा सम्पन्न हुइल रहे ।