नेपालके लौव नक्सा, लिम्पियाधुरा फेन समेटगिल
काठमाडौं, ५ जेठ । नेपाल सरकार भारतसे अतिक्रमित कालापानीसे लिम्पियाधुरा समेटके लौव नक्सा जारी कर्ले बा ।
सोम्मारके रोज बैठल मन्त्रिपरिषद बैठकसे ७ सय ५३ ठो स्थानीय निकायसंगे भारतसे अतिक्रमित भूमि समेटके लौव नक्सा पारित करल हो ।
नक्सामे कालापानी, गुञ्जी, नाबी, लिम्पियाधुरासहितके भूमि समेटगिल बा । नापी विभागके महानिर्देशक प्रकाश जोशीसहित प्राविधिक टोलीसे तयार पारल नक्सा मन्त्रिपरिषद बैठकमे भूमि सुधार मन्त्री पद्मा अर्याल पेश करल रही ।
सरकार जेठ २ गते संसद्मे प्रस्तुत करल नीति तथा कार्यक्रममे अतिक्रमित नेपाली भूभागसहितके नेपालके नक्सा सार्वजनिक कर्ना विषय उल्लेख करल रहे ।
संसदके अन्तर्र्रािष्ट्रय श्रम सम्बन्ध समिति ओ राज्य व्यवस्था समिति यहिसे आघे सक्कु नेपाली भूभाग समेटके लौव नक्सा जारी करेक लाग पटकपटक निर्देशन डेहल रहे ।
भारत हाले लिपुलेक हुइटी तिब्बतके मानसरोवर जोर्ना सडक उद्घाटन करलपाछे परराष्ट्र मन्त्रालय आपन वक्तव्य जारी करके विरोध जनाइल रहे ।
