थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २२ अगहन २६४६, बिफे ]
[ वि.सं २२ मंसिर २०७९, बिहीबार ]
[ 08 Dec 2022, Thursday ]

सुदूरपश्चिमके नीति तथा कार्यक्रममे छुट मुक्तकमैयाहुकन पुनःस्थापना कर्ना

पहुरा | १९ जेष्ठ २०७७, सोमबार
सुदूरपश्चिमके नीति तथा कार्यक्रममे छुट मुक्तकमैयाहुकन पुनःस्थापना कर्ना

धनगढी, १९ जेठ । सुदूरपश्चिम प्रदेश सरकारके आर्थिक वर्ष २०७७÷२०७८ के नीति तथा कार्यक्रम प्रस्तुत हुइल बा ।

प्रदेश सभाके छैठौं अधिवेसनके सातौं बैठकमे प्रदेश प्रमुख शर्मिला कुमारी पन्त सोम्मारके रोज नीति तथा कार्यक्रम प्रस्तुत करल हुइटी ।

उ नीति तथा कार्यक्रम प्रस्तुत करटी प्रदेश प्रमुख पन्त कोभिड १९ के महामारीपाछे जारी लकडाउनसे सुदूरपश्चिमके अर्थतन्त्रमे पारल प्रभाव ओ भविष्यमे पारे सेक्ना असरके क्षति न्यूनीकरण तथा अर्थतन्त्र पुनउत्थानमे सहयोग पुग्न कार्यक्रम कर्ना बटैली ।

ओहिहे मध्येनजर करके अइना अर्थिक वर्ष २०७७÷२०७८ के बजेट तथा कार्यक्रम नन फेन उहाँ उल्लेख कर्ली ।

कोरोना प्रभावितहुकनहे कृषिमे प्रथामिकता ओ कृषि ऋण उपलब्ध करैना बटैटी स्वादेश तथा विदेशमे रोजगारी गुमाइल व्यक्तिके रोजगारी अभिबृद्धि कर्ना जनैली । ओस्टके स्वास्थ्य सेवा, खाद्य सुरक्षा ओ आपूर्तिके प्रभावकारी व्यवस्था करके जनताहुकन रोगसे बचाई, भोकसे जोगाई अभियान सञ्चालन कर्ना उ नीति तथा कार्यक्रममे उल्लेख बा ।

ओटके, लिम्पियाधुरा, लिपुलेक ओ कालापानी क्षेत्र रहल व्यास गाउँपालिकाके विकासहे ध्यानमे राखके उ क्षेत्रके जनताहुकनके जीवन स्तर उकास्न विशेष कार्यक्रम नन्ना बटागिल बा । अन्तर्राष्ट्रिय सीमा क्षेत्रमे बासोबास कर्ना जनसमुदायके लाग सामाजिक सुरक्षा ओ विकास कार्यक्रम तर्जुमा करके कार्यान्वयन कर्ना नीति तथा कार्यक्रममे उल्लेख बा ।

ओस्टके विगतके कार्यक्रमहे फेन निरन्तरता डेना उल्लेख रहल उ नीति तथा कार्यक्रममे छुट मुक्तकमैया, हलियाहुकन पुनस्र्थापना कर्ना जनागिल बा । साथै कमैया, कमलहरी ओ हलियाहुकनके जीवनस्तर सुधारके लाग कार्यक्रम नन्ना फेन नीति तथा कार्यक्रममे उल्लेख बा ।

जनाअवजको टिप्पणीहरू