थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १९ अगहन २६४६, सोम्मार ]
[ वि.सं १९ मंसिर २०७९, सोमबार ]
[ 05 Dec 2022, Monday ]

कोरोना संवेदनशिलताके बारेमे व्यावसायीसंग छलफल

पहुरा | १५ असार २०७७, सोमबार
कोरोना संवेदनशिलताके बारेमे व्यावसायीसंग छलफल

पहुरा समाचारदाता
धनगढी, १५ असार ।
धनगढी उप–महानगरपालिकाके प्रमुख नृपबहादुर वड कोरोना संवेदनशिलता लगायतके विषयमे धनगढीके व्यावसायिक संघसंस्थाके प्रतिनिधीसंग छलफल करले बाटै ।
अँटवारके रोज उद्योग वाणिज्य संघ कैलाली, औषधी व्यवसायी संघ, तरकारी व्यवसायी संघ, किराना व्यवसायी संघ ओ मदिरा व्यवसायी संघके प्रतिनिधीसंग छलफल तथा सुझाव लेनाडेना काम करलै । सरकारसे लकडाउन खुकुलो बनाईबेर जोखिम बह्रल कना गुनासो आई लागलपाछे नगरप्रमुख नृपबहादुर वड व्यावसायीहुक्रन संग छलफल सुरु करल हुइट ।
नगरप्रमुख वड व्यवसायीहुकनसंग पसलके आघे डोरी, रिङ वा चुनाके रेखा धारके ग्राहकहुकनके भौतिक दुरी कायम हुइना वातावरण बनैना आग्रह करलै । दुरी कायम नइहुके सक्कु ओर जोखिम बह्रल नगरप्रमुख वड कहलै, टबमारे यिहीहे कडाईके साथ लागु कैना मै अनुरोध करटु ।
कैलाली उद्योग वाणिज्य संघके अध्यक्ष पुष्पराज कुँवर असारमसान्तके समयमे बजार पूर्णरुपमे लकडाउन करलेसे व्यवसायी मारमे पर्ना बटैलै । व्यवसायीहुकनके भारी लगानी बजारमे रहठ उठ्न समय यिहे हो अध्यक्ष कुँवर कहलै, अब्बे लकडाउन कैनासेफे ग्राहकके भौतिकदुरी कायम हुइना करके कारोवार कैना व्यवस्था करी । कैलाली उद्योग वाणिज्य संघके वरिष्ठ उपाध्यक्ष पुष्कर ओझा भौतिक ओ सामाजिक दुरी कायम करे लगैना ओ मास्क अनिवार्य प्रयोग करे लगैनामे कडाई करे पर्ना बटैलै ।
औषधी व्यवसायी संघ कैलालीके अध्यक्ष जनकराज जोशी अत्तरीया लगायतके ठाउँमे स्थानीय सरकार, उद्योग वाणिज्य संघसे लकडाउनमे कडाई करल अवस्थामे धनगढीमेफे लकडाउनमे कडाई आवश्यक रहल बटैलै ।

जनाअवजको टिप्पणीहरू