थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०१ भादौ २६४६, बुध ]
[ वि.सं १ भाद्र २०७९, बुधबार ]
[ 17 Aug 2022, Wednesday ]

कस्टम हायारिङ सेन्टरके उद्घाटन

पहुरा | १८ असार २०७७, बिहीबार
कस्टम हायारिङ सेन्टरके उद्घाटन

पहुरा समाचारदाता
मसुरिया, १८ असार ।
कैलालीके जिल्लाके कैलारी गाउँपालिका ८ पृथ्वीपुरमे कस्टम हायारिङ सेन्टरके उद्घाटन तथा सार्वजानिक सुनुवाई कार्यक्रम हुइल बा ।
प्रधानमन्त्री कृषि आधुनिकीकरण परियोजनाके ५० प्रतिशत अनुदानमे सफल कृषक समूह कैलारी ८ पृथ्वीपुरसे कष्टम हायारिङ सेन्टरके स्थापना करल हो ।
कष्टम हायारिङ सेन्टरके विधिवट उद्घाटन कैलारी गाउँपालिकाके अध्यक्ष लाजुराम चौधरी एक कार्यक्रमके विच करल रहिट । कृषिके आधुनिकिकरण ओ यान्त्रिककरण कैना कृषि उपकरणमे अनुदान डेहल परियोजना कार्यान्वयन इकाई कैलालीके वरिष्ठ कृषि अधिकृत महान्नद जोशी जानकारी डेलै । सुपरजोन संचालक समितिके संयोजक रमेश चौधरी, कैलारी गाउँपालिका वडा नम्बर ८ के अध्यक्ष दुःखीराम कठरिया, लगायतके सहभागीता रहल रहे ।

परियोजना कार्यान्वयन इकाई कैलालीके १७ लाख २३ हजार ५ हजार रूप्या ओ समुहके २१ लाख १६ हजार ५ सय करके ३८ लाख ४० हजारके कुल लगानीमे कष्टम हायारिङ सेन्टर स्थापना करल बा ।
हायारिङ सेन्टरमे ट्याक्टर, धान थ्रेसर, गोहुँ थ्रेसर, रोटाभेटर, डिस्क हयारो, मेडा बनैना, पावर टिलर,
लेजर लैण्ड लेभलर, सिडड्रिल ओ हयापी सिडर करके ११ थान कृषि यान्त्रिक उपकरण रहल बा । कार्यक्रम समुह अध्यक्ष रजनी चौधरीके अध्यक्षता हुइल रहे ।

जनाअवजको टिप्पणीहरू