थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १९ अगहन २६४६, सोम्मार ]
[ वि.सं १९ मंसिर २०७९, सोमबार ]
[ 05 Dec 2022, Monday ]

करिब १ करोडके लागतमे ३ ठाउँमे कस्टम हाइरिङ सेन्टर

पहुरा | १८ असार २०७७, बिहीबार
करिब १ करोडके लागतमे ३ ठाउँमे कस्टम हाइरिङ सेन्टर

पहुरा समाचारदाता
धनगढी, १८ असार ।
प्रधानमन्त्री कृषि आधुनिकीकरण परियोजनाके परियोजना कार्यान्वय इकाई (सुपर) चालु बरस ३ स्थानमे कस्टम हाइरिङ सेन्टर स्थापना कर्ले बा ।
कैलारी गाउँपालिका ८ पृथ्वीपुर ओ गौरीगंगा ९ शंकरपुरमे कस्टम हाइरिङ सेन्टर ओ कैलारी गाउँपालिका ६ लम्बीफाँटामे मिनी कस्टम हाइरिङ सेन्टर स्थापना करल हो ।
परियोजना कार्यान्वयन इकाई सञ्चालक समितिका सचिव अजित चौधरीके अनुसार चालु आर्थिक वर्ष २०७६/२०७७ मे ९२ लाख ९० हजार ५ सयके लागतमे कस्टम हाइरिङ सेन्टर स्थापना करगिल हो ।
पृथ्वीपुरस्थित सफल कृषक समूहके सहकार्यमे ३८ लाख ४० हजारके लागतमे स्थापना करगिल बा ।
जौनमे ४५ प्रतिशत समूहके ओ बाँकी सुपरजोनके रहल समितिके सचिव चौधरी जानकारी डेलै । जहाँ हाइरो, सिडड्रिल, रोटोभेटर, थ्रेसर, ल्याण्ड लेजर, धान थ्रेसर, रिपरवीथ बाइडर, रिपर, २ ठो पावर टेलर, डिस्क हाइरो १ थान टेक्टर रहल बा ।
ओस्टके गौरीगंगा ९ शंकरपुरस्थित धनवर्षा कृषक सहकारीके सहकार्यमे फेन कस्टम हाइरिङ सेन्टर स्थापना करगिल बा ।

३३ लाख ३७ हजारके कुल लागानीमे कष्टम हायारिङ सेन्टर स्थापना करल बा । जेम्ने ५० प्रतिशत सहकारीके ओ ५० प्रतिशत सुपरजोनके रहल बा । कलेसे उ हाइरिङ सेन्टरमे ट्याक्टर, धान थ्रेसर, गहुँ थ्रेसर, रोटाभेटर, डिस्क हयारो, मेडा बनैना, पावर टिलर, लेजर लैण्ड लेभलर, सिडड्रिल ओ हयापी सिडर करके ११ थान कृषि यान्त्रिक उपकरण रहल जनागिल बा ।
कैलारी गाउँपालिका ६ लम्बीफाँटास्थित जनचेतना महिला कृषक समूहके सहकार्यमे मिनि कस्टम हाइरिङ सेन्टर स्थापना करगिल बा । २१ लाखके लागतमे स्थापना करल उ मिनि कस्टम हाइरिङ सेन्टरमे ५० प्रतिशत समूहके ओ ५० प्रतिशत सुपर जोनके रहल समितिके सचिव चौधरी बटैलै । उ मिनि कस्टम हाइरिङ सेन्टरमे १० थान पावर टिलर १० था रिपर रहल बा ।
पछिल्का समय स्थापना हुइल कस्टम हाइरिङ सेन्टरसे स्थानीय कृषकहरु बहुट लाभान्वित हुइल बाटै । धान खेती यहे कस्टम हाइरिङ सेन्टरमे रहल यन्त्र उपकरण सहुलियत दरमे प्रयोग करके करे पाइलपाछे स्थानीय कृषक खुशी हुइल कैलारी गाउँपालिका ६ खरेट्टीके खगेन्द्र चौधरी बटैलै ।
परियोजना कैलाली जिल्लाको साविक पहलमानपुर, मसुरिया, उदासीपुर, बसौटी ओ गदरिया गाविस समेटके लागु करगिल बा ।

सम्बन्धित समाचार

कस्टम हायारिङ सेन्टरके उद्घाटन

जनाअवजको टिप्पणीहरू