जबरजस्ती करणी मुद्दामे फरार ४ जाने पक्राउ

पहुरा समाचारदाता
धनगढी,१८ असार । जबरजस्ती करणी मुद्दामे फरार रहल ४ जहनमे प्रहरी पक्राउ करले बा ।
जबरजस्ती करणी मुद्दामे पक्राउ परलमे कैलालीके कैलारी गा.पा.वडा नम्बर ८ लौसा बैठना बर्ष २० के उमेश कठरिया रहल बाटै । गैल जेठ ७ गते १७ वर्षिया लउण्डीहे जबरजस्ती करणी करके उहाँ फरार हुइल रहिट । उमेशहे खोज तलासके लाग खटल प्रहरी टोली असार १७ गते पक्राउ करल जनैले बा ।
ओस्टेक कैलाली लम्कीचुहा नगरपालिका वडा नं.४ बैठना वर्ष २३ के दिनेश कना दिर्घ कोईरालाहे जबरजस्ती करणी मुद्दामे पक्राउ परल कैगिल जिल्ला प्रहरी कार्यालय कैलालीके प्रवक्ता प्रतिक विष्ट बटैलै । दिर्घ कोईराला बैशाख ९ गते १६ बर्षिया लउण्डीहे जबरजस्ती करके फरार हुइल रहिट । उहाँहे असार १६ गते पक्राउ करके विफेक रोज १८ गते पुर्पक्षके लाग कारागार चलान करल बा ।
ओस्टेक करके १६ बर्षीया दृष्टिविहीन लउण्डीहे २०७६ असार २० गते चार जनेक समुहसे सामुहिक जबरजस्ती करणी करके फरार रहल दुई जनहनहे यिहे असार १७ गते पक्राउ करल प्रवक्ता विष्ट बटैलै । एक जनहनहे भर घटना हुइल लग्गटे पक्राउ करल रहे ।