थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २१ अगहन २६४६, बुध ]
[ वि.सं २१ मंसिर २०७९, बुधबार ]
[ 07 Dec 2022, Wednesday ]

विदेशी पर्यटकसे डल्फिनके अवलोकन

पहुरा | १९ असार २०७७, शुक्रबार
विदेशी पर्यटकसे डल्फिनके अवलोकन

कोभिड–१९ के कारण पर्यटन वर्ष प्रभावित हुइलेसेफे प्रकृतिप्रेमी पर्यटकहे भर रोके नइसेकल हो । वर्षायाममे कैलालीके लडियामे डेखना डल्फिनके विदेशी पर्यटकसे अवलोकन करले बाटै ।
लकडाउनमे नेपालमे रहल इङ्ल्याण्डके दुई ओ नेदरल्याण्डके एक जाने पर्यटक टीकापुर नगरपालिका ७ के बैदी पुगके डल्फिन अवलोकन करल हुइट । बर्दियाके ठाकुरद्वारमे बैठल ओइने डल्फिन अवलोकन करके रमाइल डल्फिन जलचर तथा जैविक विविधता संरक्षण नेपालके अध्यक्ष भोजराज ढुंगाना बटैलै । ‘लग्गे–लग्गे डल्फिन डेखलपाछे ओइने खुसी हुइलै’, उहाँ कहलै ।
अभिनसम पाँच ठो बच्चा ओ १० ठो वयस्क करके १५ ठो डल्फिन देखा परल बाटै । मोहना, पथरैया, काँढा करके तीनु लडिया ओ गैरी खोलाके दोभानमे डल्फिन देखा परटी रहल जैविक विविधता संरक्षण कार्यालय जनैले बा । विश्वमे दुर्लभ मन्ना गंगेटिक प्रजातिके डल्फिन अवलोकनके लाग कैलालीमे हरेक वर्ष विदेशी पर्यटक पुग्न करल बाटै ।
कोरोना भाइरसके कारण देशके पर्यटन यी वर्ष प्रभावित हुइलेसेफे डल्फिन अवलोकनके लाग विदेशी पर्यटकफे आपुग्लेसे उत्साह थपल ढुंगाना बटैलै । ‘हरेक दिन आन्तरिक पर्यटकफे डल्फिन अवलोकनके लाग पुग्टी रहल बाटै ।, उहाँ कहलै, ‘कोरोनासे पर्यटक आगमनहे रोके सेकल नइहो ।’ मनसुन सिजनभर यहा“के लडियामे डेख्ना डल्फिन पर्यटनमे भारी टेवा पुगैना स्थानीयके अपेक्षा बा  ।

जनाअवजको टिप्पणीहरू