थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०१ भादौ २६४६, बुध ]
[ वि.सं १ भाद्र २०७९, बुधबार ]
[ 17 Aug 2022, Wednesday ]

ट्यांकरके ठक्करसे एकजनेक मृत्यु

पहुरा | १९ असार २०७७, शुक्रबार
ट्यांकरके ठक्करसे एकजनेक मृत्यु

पहुरा समाचारदाता
कञ्चनपुर, १९ असार ।
खानेपानी ढुवानी कैना ट्यांकरके ठक्करसे कञ्चनपुरमे शुकके एकजानेक मृत्यु हुइल बा ।
पुनर्वास नगरपालिका–१ स्थित कालिका स्वास्थ्यचौकी लग्गेक ट्यांकर ठक्कर डेटी ३८ वर्षीय लोकेन्द्रसिंह ठकुरीके मृत्यु हुइल जिल्ला प्रहरी कार्यालय कञ्चनपुर जनैले बा । खानेपानी बोक्न ट्यांकरसे मोटरसाइकलमे सवार व्यक्तिहे ठक्कर डेहलपाछे उहाँक घटनास्थलमे मृत्यु हुइल कञ्चनपुरका प्रहरी नायव उपरीक्षक अमरबहादुर थापा बटैलै । घटनापाछे आक्रोशित स्थानीयवासीसे पानी ढुवानी कैना दुई ठो ट्यांकरमे आगजनीसमेत करले बाटै ।
ओस्टेक कैलालीके भजनीमे जिपके ठक्करसे १ जानेक मृत्यु हुइल बा । भजनी नगरपालिका १ मे म १ च ४९२ नम्बरके जिपसे ठक्कर डेहलपाछे स्थानीय ५५ वर्षीय राधे लोनियाके मृत्यु हुइल जिल्ला प्रहरी कार्यालय कैलाली जनैले बा ।
जिपके ठक्करसे गम्भिर घाहिल लोनियाके उपचारके क्रममे मृत्यु हुइल जिल्ला प्रहरी कार्यालय कैलालीके प्रवक्ता प्रहरी नायव उपरीक्षक प्रतीक विष्ट बटैलै ।

जनाअवजको टिप्पणीहरू