थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० सावन २६४६, सोम्मार ]
[ वि.सं ३० श्रावण २०७९, सोमबार ]
[ 15 Aug 2022, Monday ]

हस्तान्तरण नैहुइटी भस्कटी रहल भवनबारे अख्तियारसे अनुसन्धान हुइना

पहुरा | २२ असार २०७७, सोमबार
हस्तान्तरण नैहुइटी भस्कटी रहल भवनबारे अख्तियारसे अनुसन्धान हुइना

पहुरा समाचारदाता
धनगढी, २२ असार ।
कैलालीके कैलारी गाउँपालिका वडा नं. ७ मे ५ बरस लगाके बनल एकठो सरकारी भवन हस्तान्तरण नैहुइटी टुट्न शुरुपाछे अख्तियार दुरुपयोग अनुसन्धान आयोग छानविन कर्ना हुइल बा ।
पहुरा थारु दैनिकसहित टमान सञ्चारमाध्यममे समाचार प्रकाशन हुइलपाछे ओहे समाचारके आधारमे उजुरी कायम करटी आयोगसे अनुसन्धान हुइना हुइल हो ।
आयोगके कञ्चनपुर निमिक्त प्रमुख महेश पाण्डेय उ भवन निर्माण हुइल बेथितिवारे अनुसन्धान कर्ना जानकारी डेलै ।
साविक रतनपुर गाविस कार्यालयके लाग पटक–पटक म्याद थप करके सभा हल, प्रशासन कक्ष, पदाधिकारी कक्ष, अट्याच बाथरुमसहितके उ लौव भवन प्रयोगमे नैअइटी ठाउँ–ठाउँमे चिररागिल बा । भवनके पीलर फेन ढसलपाछे टुटे लागल हो ।

शान्ति तथा पुर्ननिर्माण मन्त्रालयके आर्थिक सहयोगमे साविक रतनपुर गाविस कार्यालयके लाग बनाइल उ भवन बनाइबर प्रयोग हुइल कमसल सामग्री ओ कमजोर इस्टिमेटके कारण गुणस्तरहिन बनलपाछे हाल उ भवन प्रयोगविहिन बने पुगल हो । हस्तान्तरण हुई नैपैटी टुटे लागलपाछे उ भवन निर्माणमे आर्थिक अनियमिता हुइल आशंका करगिल बा ।
कैलारी गाउँपालिकासे प्राप्त जानकारी अनुसार साविक रतनपुर गाविस कार्यालयके लाग साविक जिल्ला प्राविधिक कार्यालय तथा जिल्ला विकास समिति कैलाली ओ काफली कन्ट्रक्सन अमरगढी नगरपालिका–५ डडेल्धुराबीच भवन निर्माणके लाग ठेक्का समझौता हुइल रहे । २०७२ असार २७ गते ३१ लाख १५ हजार १६ रुपैयाँमे १ बरसभिट्रे बनाइक पर्ना कहिके ठेक्का समझौना हुइल रहे ।

सम्बन्धित समाचार

हस्तान्तरण नैहुइटी टुटे लागल लौव भवन, टुट्ली मरैयामे वडा कार्यालय

जनाअवजको टिप्पणीहरू