अनियमिताके आशंकामे अख्तियारसे छानविन हुइना
पहुरा समाचारदाता
धनगढी, २२ असार । सुदूरपश्चिम प्रदेशमे कोरोना भाइरस (कोभिड १९) परीक्षण कर्र्ना आरटी–पीसीआर मशिन सहितके आवश्यक उपकरण खरिद टेण्डरमे अनियमिता हुइल तथ्य बाहेर आइलपाछे अख्तियार दुरुपयोग अनुसन्धान आयोग कञ्चनपुर अनुसन्धान कर्ना हुुइल बा ।
पहुरा थारु दैनिक लगायत सञ्चार माध्यममे ‘पीसीआर मशिन खरिदमे अनियमिताके गन्ध, सरकारी कागजात कीर्ते करुइयाहे ठेक्का’ कना सामाचार प्रकाशन हुइलपाछे आयोग उ समाचारके आधारमे उजुरी कायम करके अनुसन्धान कर्ना हुइल हो ।
आयोगके कञ्चनपुुर निमिक्त प्रमुख महेश पाण्डेय सामाचारके आधारमे उजुरी कायम करल बटैटी जल्डी अनुसन्धान कर्ना जानकारी डेलै । प्रदेश सरकारके सामाजिक विकास मन्त्रालय मातहतके प्रदेश स्वास्थ्य आपूर्ति व्यवस्थापन केन्द्र पीसीआर मशिनसहितके उपकरण खरिदके लाग आह्वान करल टेण्डर तथा छनौट प्रक्रियाबारे अनुसन्धान हुइाा हुइल हो ।
सार्वजनिक खरिद ऐन अनुसार कम मूल्यमे वस्तु उपलब्ध करैना टेन्डरहे ठेक्का डेहक पर्नामे ढिउर मूल्य कबुल करल तथा सरकारी कागजात कीर्ते करके टेन्डर हठ्याइटी आइल अभियुक्त तथा व्यवसायी दृष्यन्त बस्नेतहे आपूर्ति व्यवस्थापन केन्द्र ठेक्का डेले बा ।
मने आपूर्ति व्यवस्थापन केन्द्रके निर्देशक डा. गुणराज अवस्थी सार्वजनिक खरिद अनुुसार ठेक्का डेहल दाबी कर्लै ।
आपूर्ति व्यवस्थापन केन्द्र २ प्याकेजमे बायोसेफ्टी लेवल–२ प्रयोगशालाके लाग उपकरण खरिदके लाग विद्युतीय बोलपत्र आह्वान करल रहे । पहिल प्याकेज अन्तर्गत आरटी–पीसीआर, अटोमेटेड नुक्लिक एसिड अक्सट्रक्सन सिस्टम ओ आरएनएन अक्सट्रक्सन किट खरिद करेक पर्ना रहे ।
दोसर प्याकेज अनुसार ल्याबोरोटरी इक्युपमेन्ट ओ कन्जमबलस् खरिद करेक पर्ना करल रहे ।
जौनमे सेरो डाइग्नोस्टिक टे«डर्स नेपाल पहिल प्याकेजके लाग किल कहिके २ करोड ७६ लाख ४३ हजार ६८७ कबोल रकम राखल रहे कलेसे बायोमेड इन्टरनेसनल प्रालि २ प्याकेजके लाग कहटी ३ करोड ३६ लाख ९० हजार ९५० रुपैयाँ कबोल रकम उल्लेख करल रहे मने दुई प्याकेजके लाग कहटी व्यवसायी बस्नेतके फर्म डीबी मेडिसिन ९१ लाख १ हजार ५० रुपैयाँ ढिउर रकम ४ करोड ८३ लाख ५४ हजार ९६० (१३ प्रतिशत मूल्य अभिवृद्धि करसहित) कबोल रकम राख्लेसे फेन छनोटमे परल बा ।
सम्बन्धित समाचार
