सामुदायिक वनमे फलफूलके वृक्षरोपण

पहुरा समाचारदाता
हसुलिया, ३१ असार । कैलालीके एक सामुदायिक वनमे फलफूलके वृक्षारोपण करल बा । कैलारी गाउँपालिका–२ मे रहल गौरी गणेश सामुदायिक वनके खाली क्षेत्रमे फलफूलके वृक्षारोपण करल हो ।

उ सामुदायिक वनमे कागती ओ लिचीके पाँच सय बोटविरुवा लगाइल जनाइल बा । फलफूलके वृक्षारोपणके लाग कैलारी गाउँपालिकाके कार्यालयसे एक लाख रुपैयाँ सहयोग करल रहे । वृक्षारोपण कार्यके वडा नम्बर २ के वडाध्यक्ष सन्तु चौधरी उद्घाटन करल रहिट । वृक्षारोपण कार्यमे सामुदायिक वनके अध्यक्ष मसराम चौधरी, सचिव आशाराम चौधरी, कोषाध्यक्ष सुशीला चौधरी ओ उपभोक्ताके सहभागिता रहल रहे । उ सामुदायिक वनमे रुखुवा नइरहल ठाउँमे वृक्षारोपण करके फलफूलके बगैचा तयार पर्ना वडा अध्यक्ष चौधरी बटैलै ।