थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २३ अगहन २६४६, शुक्कर ]
[ वि.सं २३ मंसिर २०७९, शुक्रबार ]
[ 09 Dec 2022, Friday ]

पत्रकार महासंघसे बचल रकम सरकारहे फिर्ता

पहुरा | २ श्रावण २०७७, शुक्रबार
पत्रकार महासंघसे बचल रकम सरकारहे फिर्ता

पहुरा समाचारदाता
धनगढी, २ सावन ।
नेपाल पत्रकार महासंघ सुदूरपश्चिम प्रदेश समिति सुदूरपश्चिम प्रदेश सरकारसे कोभिड–१९ के रोकथाम तथा नियन्त्रण कार्यमे सूचना तथा सन्देश प्रकाशन प्रशारण करेक लाग प्राप्त अनुदान रकममे बचत हुइल २ लाख १० हजार चार सय अठहत्तर रुप्या राज्यकोषमे फिर्ता कर्ले बा ।

महासंघके प्रदेश अध्यक्ष अर्जुन शाह ओ महासचिव योगेश रावल विफेक् रोज आन्तरिक मामिला तथा कानुन मन्त्रालयके उपसचिव तेजप्रकाश जोशीहे बचत रकमके चेक हस्तान्तरण करल हुइट ।

नेपाल पत्रकार महासंघ मार्फत परिचालन हुइना गरी कोभिड–१९ के रोकथाम तथा नियन्त्रणके लाग प्रदेश सरकारसे मिडिया परिचालन (सूचना तथा सन्देशहरु प्रकाशन तथा प्रशारण) करेक लाग महासंघहे ३४ लाख ५५ हजार अनुदान डेहल रहे ।

महासंघके अनुसार सुदूरपश्चिमके नौ जिल्लामे प्रशारणमे रहल ७४ ठो एफएम रेडियो, ४६ ठो साप्ताहिक, ५१ ठो दैनिक पत्रपत्रिका ओ दुई ठो स्थानीय टेलिभिजनसे कोभिड –१९ के रोकथाम तथा नियन्त्रणके लाग सूचना तथा सन्देश प्रकाशन प्रशारण करगिल रहे ।

महासंघके प्रदेश अध्यक्ष अर्जुन शाह कोरोना महामारी निम्त्याइल संकटसे मिडिया क्षेत्रसमेत प्रभावित हुइल बेला प्रदेश समितिके आग्रहमे प्रदेश सरकारसे उपलब्ध कराइल अनुदान रकमसे बचल रकम राज्य कोषमे फिर्ता कर्ना मजा हुइना कहिके फिर्ता करल बटैलै ।

जनाअवजको टिप्पणीहरू