सुदूरपश्चिममे आज २६ जहनमे कोरोना पुष्टि
पहुरा समाचारदाता
धनगढी, ४ सावन । सुदूरपश्चिममे आज २६ जनहनमे कोरोना पुष्टि हुइल बा । धनगढी प्रयोगशालामे कैलालीके २४ ओ डडेल्धुरा प्रयोगशालामे डडेल्धुराके कैके २६ जनहनमे कोरोना पुष्टि हुइल हो ।
स्वास्थ्य तथा जनसंख्या मन्त्रालयके प्रवक्ता डाक्टर जागेश्वर गौतम सेती अस्पतालके ओ डडेल्धुरा अस्पतालके प्रयोगशालामे करल परीक्षणमे २६ जनहनमे कोरोना पुष्टि हुइल बटैलै ।
धनगढी प्रयोगशालामे २४ घण्टामे ३ सय ६४ जनहनके नमुना परीक्षणके क्रममे कैलालीके २४ जनहनमे कोरोना पुष्टि हुइल हो । प्रादेशिक अस्पतालके सूचना अधिकारी दिलिपकुमार श्रेष्ठ ५ महिला ओ १९ पुरुष कैके २४ जाने कोरोना संक्रमित पुष्टि हुइल जानकारी डेलै ।
उहाँक् अनुसार बर्दगोरिया गाउँपालिकाके २ महिला ओ ६ पुरुष, जोशीपुर गाउँपालिकाके १ महिना ओ ६ पुरुष कैके ७ जनहनमे कोरोना पुष्टि हुइल बा । अस्टेक गौरीगंगा नगरपालिकाके १ महिला ओ ४ पुरुष, टीकापुर नगरपालिकाके १ महिला ओ ३ पुरुष कैके चार जनहनमे संक्रमण पुष्टि हुइल श्रेष्ठ बटैलै ।
आज २६ जाने थपलसंगे सुदूरपश्चिममे संक्रमितके संख्या ४ हजार ५४ पुगल बा ।
