थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २३ अगहन २६४६, शुक्कर ]
[ वि.सं २३ मंसिर २०७९, शुक्रबार ]
[ 09 Dec 2022, Friday ]

एनआईसी नानल सुपर चमत्कारीक कर्जा योजना

पहुरा | ४ श्रावण २०७७, आईतवार
एनआईसी नानल सुपर चमत्कारीक कर्जा योजना

पहुरा समाचारदाता
धनगढी,४ सावन ।
एनआईसी एशिया बैंकसे घर निर्माण, व्यवसाय सञ्चालन ओ गाडी किनेक लाग सुपर चमत्कारीक कर्जा नन्ले बा ।

सुदूरपश्चिम प्रादेशिक कार्यालयसे अँटवारके पत्रकार सम्मेलन करके आठ दशमलब २५ प्रतिशत ब्याजदरमे गाडी, व्यवसाय ओ घर किन्न ओ बनाइक लाग ऋण डेना जानकारी डेहल हो । यम्ने शून्य दशमलब २५ प्रतिशत प्रशासनिक शुल्क लग्ना बैंकसे जनैले बा ।

सुपर चमत्कारिक घर कर्जा अन्तर्गत घर तथा अपार्टमेन्ट खरिद, घर निर्माण, घर निर्माण करेक लाग जग्गा खरिद आदि वित्तीय सेवा सुविधा लेहे चहुइया ग्राहक महानुभाव यी योजनाके लाभ लेहे सेक्ना कहल बा । न्यूनतम पा“च वर्षसे अधिकतम ३० वर्ष कर्जाके समयावधि कायम करल बा । कलेसे अधिकतम एक करोड ५० लाखसम कर्जा सीमा कायम करल बा । जेम्ने अन्तर्गत अधिकतम ५० लाखसमके ओभरड्राफ्ट सुविधा समेत लेहे सेक्ना व्यवस्था करल बा ।

घर निर्माणके हकमे बैंकसे निर्माण लागतके शतप्रतिशतसम कर्जा प्रवाह कैना, घर निर्माणके लाग अधिकतम पा“च वर्षसमके मोराटोरियम लेहे सेक्ना ओ उ मोराटिएम अवधिमे ऋणीसे कर्जाके ब्याज केल भुक्तानी करे सेक्ना समेत सुविधा रहल बा ।

यी बाहेक फेक्जिबल इएमआई मार्फत ग्र्राहक महानुुभावहुक्रे अपन आर्थिक क्षमता अनुसारके अपने टिरे सेक्ना इएमआई वार्षिक रुपमे अपनही निधारण करल भुक्तानी करे सेक्जाई । यी योजना अन्र्तगत घर कर्जा उपभोग करटी रहल ग्राहक महानुभावहुक्रे बन्डल अफर अन्तर्गत सवारी कर्जा उपभोग करे सेक्ना व्यवस्था समेत रहल जनाइल बा । और बैंक तथा वित्तीय संस्थासे ऋण लेहल ग्राहक समेत कर्जा स्वाप करे सेक्ही ।

ओस्टेक करके सुपर चमत्कारिक सवारी कर्जाअन्तर्गत लाल प्लेटके निजी तथा व्यवसायके लाग सवारी ओ विद्युतीय सवारीके लाग ग्राहक महानुभावहुक्रे कर्जा प्राप्त करे सेकही ।

और बैंकमार्फत सवारी कर्जा उपभोग करटी रहल महानुभावहुक्रे यी बैंकके सुपर चमत्कारिक सवारी कर्जा अन्तर्गत अपन कर्जा स्थानान्तरण स्वाप करे सेक्ही ।

यी योजनाअन्तर्गत अधिकतम दुई करोड कर्जा सीमा कायम करल बा । सवारी धितो राखल हकमे कर्जा अवधि अधिकतम १० वर्षसम ओ सवारी तथा रियलइस्टेट दुनु धितो राखल खण्डमे अधिकतम १५ वर्षसम कर्जा अवधि हुइना व्यवस्था करल बा ।

देशके अर्थतन्त्रहे बल्गर बनैना टेवा डेटी रहल साना तथा मझौला उद्योग व्यवसाय कोरोना भाइरस महामारीसे प्रभावित हुइटी गैल अवस्थामे बैंकसे साना तथा मझौला उद्योग व्यवसायहे प्रोत्साहन कैना सुपर चमत्कारिक व्यवसाय कर्जा योजना नानल बा ।

जौन अन्तर्गत उद्योगी तथा व्यवसायीहुक्रे अपन व्यवसायके आवश्यकता अनुसार आवधिक कर्जा तथा ओभरड्राफट मिश्रित रुपमे उपभोग करे सेक्ही ओ यैसिन कर्जा सीमा अधिकतम १ करोडसम निर्धारण करल बा । यैसिन योजनासे विषम परिस्थितिमे समेत लगानीके वातावरण बनैना आमसर्वसाधारणहे थप प्रोत्साहन तथा प्रेरणा मिल्न बैंक विश्वास लेले बा ।

जनाअवजको टिप्पणीहरू