थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २२ अगहन २६४६, बिफे ]
[ वि.सं २२ मंसिर २०७९, बिहीबार ]
[ 08 Dec 2022, Thursday ]

चार ठाउँमे धारल शंकास्पद वस्तु डिस्पोज

पहुरा | ६ श्रावण २०७७, मंगलवार
चार ठाउँमे धारल शंकास्पद वस्तु डिस्पोज

पहुरा समाचारदाता
धनगढी, ६ सावन ।
प्रतिबन्धित नेपाल कम्युनिष्ट पार्टी (विप्लव) समूहसे कैलालीके ४ ठाउँमे धारल शंकास्पद वस्तु आर्मी टोलीसे डिस्पोज करले बा ।

विप्लव समूहसे धनगढीके एलएन चोक, सामाजिक बिकास मन्त्रालय, अर्थ मन्त्रालय ओ लम्की चुहानगरपालिका आसपास क्षेत्रमे धारल शंकास्पद बस्तु नेपाली सेनाके टोलीसे मंगरके सकारे डिस्पोजल करल जिल्ला प्रहरी कार्यालय कैलालीके प्रवतmा एवं प्रहरी नायब उपरीक्षक प्रतिक बिस्ट जनैलै ।

उ शंकास्पद वस्तु प्रेसरकुकरमे टेपसे बाँधके धारल अवस्थामे भेटल उहाँ बटैलै । विप्लव नेतृत्वसे अपन नेता तथा कार्यकर्ताहे नेपाल सरकारसे विनाकारण पक्राउ करे लागल कहटी सुदूरपश्चिम प्रदेशमे ६ गते बन्द कैना घोषण करल रहे ।

सरकारसे १ दर्जन अपन नेता कार्यकर्ताहे प्रकाउ करके झुटा मद्दा लगाके हिरासतमे राखल कहटी नेपाल कम्युनिष्ट पार्टी विप्लव माओबादीसे उ बन्दके घोषणा करल हो । नेपाल कम्युनिष्ट पार्टी विप्लव समूहके सेती महाकाली ब्युरो कार्यालय सचिव छबिलालके हस्ताकक्षरित प्रेस विज्ञप्तिमे सावन ३ गते प्रचारप्रसार, ४ गते कोणसभा, ५ गते मशालजुलुस करटी, ६ गते सुदुरपश्चिम प्रदेश बन्द ओ ६ से ८ गतेसम सरकारी साधनमे समेत संचालनमे रोक लगैना समेत जनाइल रहे ।

सावन १ गते प्रकाशित विज्ञप्तिमे सेती महाकाली ब्युरो इन्चार्ज ओमप्रकाश पुन तथा महिला नेत्री पुर्णिमा धामी समेतहे झुठा मुद्दा लगाके नेपाल सरकारसे हिरासतमे राखलप्रति निन्दा ओ भत्र्सना समेत करल रहे ।

जनाअवजको टिप्पणीहरू