थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १७ अगहन २६४६, शनिच्चर ]
[ वि.सं १७ मंसिर २०७९, शनिबार ]
[ 03 Dec 2022, Saturday ]

नमुना महिला होल्डिङ्ग ओ आइसोलेसन सेन्टरके उद्घाटन

पहुरा | ८ श्रावण २०७७, बिहीबार
नमुना महिला होल्डिङ्ग ओ आइसोलेसन सेन्टरके उद्घाटन

पहुरा समाचारदाता
धनगढी, ८ साउन ।
कोरोना भाइरससे संक्रमित गर्भवतीहुक्रनके लाग नेपालमे पहिलचो धनगढीमे नमुना महिला होल्डिङ्ग ओ आइसोलेसन सेन्टरके शुभारम्भ करल बा ।

धनगढी उपमहानगरपालिकासो संचालित होल्डिङ्ग सेन्टरके सुदुरपश्चिम स्वास्थ्य निर्देशनालयके निर्देशक डाक्टर गुणराज अवस्थी ओ नगर प्रमुख नृप बहादुर वड संयुक्त रुपमे उदघाटन करल रहिट ।

उदघाटन करटी स्वास्थ्य निर्देशक डाक्टर अवस्थी अन्य समयके तुलनामा कोभिड(१९ के बेला सबसे ढिउर समस्या गर्भवतीहुक्रनहे हुइना हुइल ओरसे नमुना आइसोलेसन सेन्टर ढिउर सहयोग कैना बटैलै ।

धनगढी उपमहानगरपालिका १ स्थित बि पोलिटेक्निक ईन्स्टिच्युमे महिला होल्डिङ्ग ओ आइसोलेसन सेन्टरमे कोरोना पोजिटिभ ओ ननपोजिटिभ कैके दुई मेरके व्यवस्थापन करल नगरप्रमुख वड बटैलै ।

उहाँ महिला होल्डिङ्ग ओ आइसोलेसन सेन्टरहे सहयोग करुइया सक्कु निकायहे धन्यवाद डेलै । उहाँ महिला होल्डिङ्ग ओ आइसोलेसन सेन्टरमे स्वास्थ्यकर्मी, सुरक्षाकर्मी ओ व्यवस्थापक सक्कु कर्मचारी महिला नै रहना बटैलै ।

महिला होल्डिङ्ग सेन्टरमे कोरोना नाइ लागल गर्भवती महिलाहुक्रनहे छुट्टे बैठ्ना व्यवस्था करल बा । जहाँ १० बेड सहित खाना, बैठ्ना लगायतके सक्कु स्वास्थ्य सेवा उपलब्ध रहल बा ।

ओस्टके महिला आइसोलेसनमे कोरोना लागल मने लक्षण नाइ डेखगैल गर्भवतीहुक्रनके छुट्टाछुट्टे बैठ्ना व्यवस्था करल बा । गर्भवतीहे खैना, बैठ्ना, अतिरिक्त पोषण खानाके व्यवस्था, हेरालुके लाग छुट्टाछुट्टे बैठ्ना ब्यबस्था, बालबालिकाहे खेल्ना सामग्री सहित अभिभावकसंगे बैठ्ना ब्यबस्था करल बा ।

जहाँ कोरोना पोजिटिभके लाग १२ बेडके व्यवस्था करल बा कलेसे हेरालुके लाग छुट्टे ३ बेडके व्यवस्था रहल बा ।

ओस्टके गर्भवतीहे अस्पतालसम लैजैना अथवा अस्पतालसे होल्डिङ्ग सेन्टरसमके लाग २४ सै घण्टा एम्बुलेन्स सेवा, नियमित चेकजाँचके लाग २४ सै घण्टा स्वास्थ्यकर्मी सेवा लगायतके अन्य सुबिधा समेत रहल बा ।

जनाअवजको टिप्पणीहरू