जन्मोत्सवमे फलफूल ओ जुस वितरण

पहुरा समाचारदाता
धनगढी, ९ सावन । नेपाल राष्ट्रिय तथा अन्तर्राष्ट्रिय खेलाडी संघ कैलालीके महासचिव, अन्तर्राष्ट्रिय निर्णायक तथा जिल्ला खेलकुद विकास समितिके उसु सहायक प्रशिक्षक रतन खाती जन्मदिनके अवसरमे फलफूल तथा जुस वितरण करले बाटै ।

खाती अपन ४४ औं जन्मोत्सवके अवसरमे आज नवजीवन अस्पतालके विरामीहुकनहे फलफूल तथा जुस वितरण करल हुइट ।

अस्पतालमे फलफूल तथा जुस वितरण करटी उपचारमे रहल विरामीहुकनके स्वास्थ्य लाभके कामना करले रहिट ।

कार्यक्रममे अस्पतालके म्यानेजिङ डाइरेक्टर यज्ञराज ढुंगाना, शिवनगर खानेपानी तथा सरसफाई उपभोक्त समितिके अध्यक्ष राजेशकुमार खाती, हाडजोर्नी तथा नसा रोग विशेषज्ञ डाक्टर विदुरमणी ढकाल, जिल्ला खेलकुद विकास समिति कैलालीके पूर्वाध्यक्ष राजीव गुप्ता लगायत उसु खेलाडीहुकनके उपस्थिति रहे ।