कञ्चनपुरमे ठाउँठाउँमे चोरी

कञ्चनपुर, १३ सावन । कञ्चनपुरके टमान स्थानमे चोरी हुइल बा । जिल्ला प्रहरी कार्यालयके अनुसार बसपार्क रोडमे रहल गुरूजी फैन्सी, गोजलिङ्ग ट्रेडर्स ओ समैजी फेन्सी पसलके ताला टुरल बा ।

जिल्ला प्रहरी कार्यालय कञ्चनपुरके प्रवक्ता अम्मरबहादुर थापाके अनुसार ताला टुरलके चोरी हुइल बटैलै । मने क्षतिके विवरण अइना बाँकी रहल बा ।

ओस्टके शुक्लाफाँटा नगरपालिका–१० झलारी बजारसे ४ लाख नगद चोरी हुइल बा । जयकिसन चौधरी ट्रेडर्ससे सोममारके रात पसलके पाछेसे ढोका टुरके चार लाख नगद चोरी करल ईलाका प्रहरी कार्यलयके झलारीके प्रहरी निरीक्षक धर्मेन्द्र रावल बटैलै ।