थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० सावन २६४६, सोम्मार ]
[ वि.सं ३० श्रावण २०७९, सोमबार ]
[ 15 Aug 2022, Monday ]

बाढ पीडितके लाग रोटरी क्लबसे राहत

पहुरा | १८ श्रावण २०७७, आईतवार
बाढ पीडितके लाग रोटरी क्लबसे राहत

पहुरा समाचारदाता
धनगढी, १८ सावन ।
मानविय सेवामे खट्टी आइल रोटरी क्लब अफ धनगढी शनिच्चरके कैलालीके भजनी नगरपालिकामे बाढसे विस्थापित २ सय परिवारके लाग राहत हस्तान्तरण करले बा ।

रोटरी क्लब अफ धनगढीसे, घरबार छोडके विस्थापित हुइल २ सय परिवारके लाग प्रति परिवार १० किलो चाउर, २ किलो दाल, एक किलो नोन, साबुन सहितके सामान जिल्ला प्रशासन कार्यालय कैलालीके प्रशासकीय अधिकृत शिवराज जोशीहे हस्तान्तरण करल क्लबके उपाध्यक्ष डाक्टर प्रतिक्षासिह राठौर जानकारी डेलै ।

दुई सय जनहनके लाग पाइल उ राहत सामग्री क्लबके पुर्व अध्यक्ष डाक्टर गणेशबहादुर सिंह हस्तान्तरण करल रहिट । कार्यक्रममे क्लबके चार्टर प्रसिडेन्ट प्रकाश भट्ट, पुर्व अध्यक्ष हरिशंकर ठाकुर, पुष्कर ओझा सहितके रोटरीयनहुक्रनके सहभागिता रहल रहे ।

बाढसे कैलालीके भजनी नगरपालिकाके ५ सय ढिउर परिवार हुलाकी सडकमे त्रिपाल टाँगके बैठल बाटै । रोटरी क्लब अफ धनगढीसे शुुकके चिउरा चाउचाउ बाढ प्रभावित क्षेत्र पठाइल रहे । राहत वितरण एकद्धार प्रणालीसे किल डेहे पैना हुइल ओरसे रोटरी क्वब अफ धनगढीसे जिल्ला प्रशासन कार्यालय कैलालीहे बुझाइल हो ।

उ राहत सामग्री शनिच्चरके नै प्रभावित क्षेत्र पठाईल जिल्ला प्रशासन कार्यालय कैलालीके प्रशासकीय अधिकृत शिवराज जोशी बटैलै ।

जनाअवजको टिप्पणीहरू