थरूहट थारूवान मोर्चासे खाद्यान्न सहयोग

पहुरा समाचारदाता
धनगढी, २१ साउन । थरूहट थारूवान राष्ट्रिय मोर्चासे टीकापुर घटनाके राजबन्दीहुक्रनके परिवारहे खाद्यान्न (चाउर) सहयोग करले बा ।
साउन १४ गते आइल बाढसे पीडित राजबन्दीहुक्रनके परिवारहे १ महिनासम पुग्ना मेरके खाद्यान्न करल मोर्चा जनैले बा ।
बाढ पीडित प्रति परिवारहे ५० किलोके दरसे १० परिवारहे खाद्यान्न करल मोर्चाके जिल्ला संयोजक माधव चौधरी जानकारी डेलै ।
जेलजीवन बिटैटी रहल वृजमाहन चौधरी, राजेश चौधरी, सीताराम चौधरी, राजकुमार कठरिया, सुन्दर कठरिया, प्रदिप चौधरी, श्रवण चौधरी, हरिनारायण चौधरी, बिरबहादुर चौधरी, गंगाराम चौधरीके घरपरिवारहे खाद्यान्न सहयोग करल हो ।
मोर्चाके केन्द्रिय संयोजक लक्ष्मण चौधरी, केन्द्रिय सदस्य रामप्रसाद चौधरी, फोनिराम चौधरी, मोर्चाका जिल्ला संयोजक माधव चौधरी, प्रवक्ता चुनिराम चौधरी, सदस्य आशिष चौधरी लगायत टोलीसे खाद्यान्न सहयोग करगैल रहे ।