नमस्ते सहकारीसे विमा रकम हस्तान्तरण

पहुरा समाचारदाता
धनगढी,२२ सावन । नमस्ते बचत तथा ऋण सहकारी संस्था लिमिटेड धनगढीसे रामलाल चौधरीहे बुधके रोज विमा रकम हस्तान्तरण करले बा ।

धनगढी उपमहानगरपालिका वडा नं. ७, देवहरीया निवासी यी सहकारीके शेयर सदस्य सरमिङग थरुनीके सावन १४ गते निधन हुइलपाछे उहाँक गोसिया रामलालहे विमा रकम हस्तान्तरण करल हो । सरमिङग थरुनी नमस्ते बचत तथा ऋण सहकारी संस्था मे २०७३ भदौ २० गते शेयर सदस्यता लेके लघुवित्त कार्यक्रममे संलग्न हुइल रहिट । उहाँ भर्खर २०७६ कुवाँर १९ गते नमस्ते बचत तथा ऋण सहकारी संस्था मार्फत एलआइसी नेपालमे ५० हजार बराबरके सार्वधिक १ बरसके विमा करले रहिट ।

सरमिङगके गोसिया रामलालहे ५० हजार विमा रकम हस्तान्तरण करल नमस्ते बचत तथा ऋण सहकारी संस्था लिमिटेडके अध्यक्ष जगतराम चौधरी बटैलै । उहीसे आघे ५ हजार क्रिया खर्च डेगिल रहे । विमा रकम हस्तान्तरण कार्यक्रममे एलआइसी नेपालमे शाखा प्रबन्धक कृष्ण भट्ट, सहकारीके उपाध्यक्ष रोहित चौधरी, प्रवन्धक विजय चौधरी, वरिष्ठ सहायक मिनबहादुर चौधरी, सहायक लेखापाल रामशरण चौधरी लगायतके उपस्थित रहे ।