तीनके ज्यान गैल, २९ जाने घाहिल
डोटी, २८ सावन । डोटीके पुर्वी चौकी गाउँपालिका वडा नं १ तल्लो फुलोटमे बस दुर्घटना होके ३ जनहनके मृत्यु हुइल बा ।
धनगढीसे अछामके लाग छुटल कर्णाली रिर्भर यातायातके ना ६ ख २५२९ नम्बर के गाडी बुधके सकारे ५ बजे ओर दुर्घटना होके ३ जनहनके मृत्यु हुइल बा कलेसे २९ जाने घाहिल हुइल जिल्ला प्रहरी कार्यालय डोटी जानकारी डेले बा ।
मृत्यु हुउइयामे बान्निगडि वडा नम्बर ३ के ५९ बरसके पदम साउँद, चौरपाटी गाउपालिका सात मार्कुका ३१ टिकाराम बिक, ओ कैलाली बैठुइया आछामके ५५ बरसके लक्षिमा बिक रहल बाटै । घाहिल हुउइया मध्येके ८ जनहनके अवस्था गम्भिर रहल बटाइल बा ।
घाहिल सक्कु जनहनके जिल्ला अस्पताल डोटीमे पुगाइल जिल्ला प्रहरी कार्यालय डोटीके सुचना अधिकारी इन्द्र मल्ल बटैलै । घाहिल हुउइयामे जनाली पाँचके ३० बर्षिय रबि बिक, ३८ बरसके धना साउद, ३० बरसके भरोशा जनाला, १७ वर्षिय उमेश जनाला, २५ वर्षिय रमेश जनाला, २२ बरसके खिमा जनाला, २ बरसके सृष्टि जनाला, २१ बरसके दिनेश शाही, २२ पार्वती नचेल, २९ बरसके मनोज नचेल, १६ बरसके खेमराज भोटेल, साढे पाँच बरसके रोशन नचेल, १८ बरसके सुरेश बिक, ४० बरसके गौरी ढुंगाना, १० बरसके प्रकाश थापा, दिपक शाही, ३९ बरसके राम बहादुर रावल रहल बाटै ।
ओस्टके २१ बरसके धिरेन्द्र नेपाली, ३१ बरसके दिपेन्द्र शाही, १५ बरसके भरु जनाला, २९ बरसके नराज बिक, २२ बरसके गणेश साउद, ३० बरसके रबि बिक , १५ बरसके दिनेश शाही, १६ बरसके अर्जुन साउद, २९ बरसके अस्मिता भण्डारी, १० महिनाके विजय भण्डारी, ५ बरसके दुर्गा भण्डारी, २३ बरसके भरत साउद, ४५ बरसके कल्धरी कामी, २२ बरसके गिता कामी ओ २७ बरसके हेमन्त साउद घाहिल हुइल बाटै ।
प्रहरीके अनुसार बस सडकसे सय मिटर टरे गिरल बटाइल बा । उक्त बसमे चालकसहित ३३ जाने सवार रहल रहिट । बस चालक निडाके दुर्घटना हुइल हुइ सेक्ना अनुमान करल बा ।
