थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २८ सावन २६४६, शनिच्चर ]
[ वि.सं २८ श्रावण २०७९, शनिबार ]
[ 13 Aug 2022, Saturday ]

विप्लव नेकपाके नेतृ धामी रिहा

पहुरा | २९ श्रावण २०७७, बिहीबार
विप्लव नेकपाके नेतृ धामी रिहा

पहुरा समाचारदाता
धनगढी, २९ सावन ।
नेत्रविक्रम चन्द (विप्लव) नेतृत्वके नेपाल कम्युनिस्ट पार्टीके भगिनी संगठन अखिल नेपाल महिला संघ (क्रान्तिकारी) के सेती महाकाली राज्य समिति इन्चार्ज पुर्णिमा धामी रिहा हुइल बाटी । बुधके जिल्ला अदालत डडेल्धुरासे उहाँहे १५ हजार धरौटीमे रिहा करल हो ।

जिल्ला अदालत डडेल्धुरासे नेतृ धामीसे १५ हजार धरौटी माग करल रहे । धरौटी बुझाइलपाछे उहाँ रिहा हुइल जिल्ला प्रहरी कार्यालय डडेल्धुराके प्रहरी नायव उपरीक्षक दधिराम न्यौपाने जानकारी डेलै ।

पार्टीके सेती महाकाली ब्युरो इन्चार्ज ओमप्रकाश पुनसंगे गत असार ३१ गते कैलालीमे पक्राउ परल धामीहे सोम्मारके जिल्ला अदालत कैलालीके न्यायाधीश जयानन्द पनेरुके एकल इजलाससे साधारण तारेखमे रिहा कैना आदेश डेहल रहे । मंगरके पुनः उहाहे कैलालीसे प्रहरी पक्राउ कैके डडेल्धुरा पुगाइल रहे ।

ओहकान गोसिया पुन भर जिल्ला अदालत कैलालीसे माग करल ५० हजार धरौटी नाइ बुझाइलपाछे कैलाली कारागार चलान हुइल बाटै ।

जनाअवजको टिप्पणीहरू