झुठ मुद्दा लगाइल कटी प्रजातन्त्रवादी प्रध्यापक संघ कैलालीके विरोध

पहुरा समाचारदाता
धनगढी, २९ सावन । विधि ओ पद्धतीके बाट उठाइल कारण अपन केन्द्रीय नेतृत्वहे झुठ मुद्दा लगाइल कटी प्रजातन्त्रवादी प्रध्यापक संघ कैलाली विरोध जनैले बा ।

प्रजातन्त्रवादी प्रध्यापक संघ कैलाली ओ जिल्लामे रहल क्याम्पस इकाई प्रध्यापक संघसे संयुक्त विज्ञप्ति मार्फत ऐन, नियम, विधि ओ पद्धतीके बाट उठाइल कारण प्रजातन्त्रवादी प्रध्यापक संघके केन्द्रीय अध्यक्ष सहप्रध्यापक जगत तिमिल्सेना ओ महासचिव सहप्रध्यापक राजेन्द्र गौतमहे झुठ मुद्दा लगाइल कटी विरोध जनैले बा ।

प्रजातन्त्रवादी प्रध्यापक संघ कैलालीके अध्यक्ष मीन कुँवर केन्द्रीय नेतृत्वसे विश्वविद्यालयके गतिविधि, विधि, पद्धती अनुसार संचालन हुइपरल कहिके अवाज उठैटी आइल बटैलै । उहाँ कहलै, ‘पूर्वाग्रही ढंगसे मुद्दा लगैना कार्यके घोर निन्दा ओ भत्सना करटी ।’