थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० सावन २६४६, सोम्मार ]
[ वि.सं ३० श्रावण २०७९, सोमबार ]
[ 15 Aug 2022, Monday ]

सुत्केरी तथा गर्भवती महिलाहे पौष्टिक आहार

पहुरा | ३२ श्रावण २०७७, आईतवार
सुत्केरी तथा गर्भवती महिलाहे पौष्टिक आहार

पहुरा समाचारदाता
धनगढी, ३२ सावन ।
कोरोना भाइरस (कोभिड–१९) महामारीके बेला गर्भवती तथा सुत्केरी महिलाहे दलित महिला अधिकार मञ्च नेपाल पौष्टिक आहार वितरण करले बा ।

मञ्चके अध्यक्ष सावित्रा घिमिरे बन्दाबन्दीके अधिकांश सुत्केरी तथा गर्भवती महिला पोषिलो खैना चिज खैनाचिजसे बञ्चित रहल बटैलै । संकटके बेला सुत्केरी तथा गर्भवती महिला, बालबालिक, जेष्ठ नागरिक ओ अपांगता रहल व्यक्ति सबसे ढेर जोखिममे परल बटैली ।

उहाँ जोखिमहे मध्य नजर करके लौवा जल्मना बच्चा कुपोषणसे जोगिट कहिके पौष्टिक आहार वितरण करल बटैली । मञ्चसे कैलारी गाउँपालिका ओ गौरीगंगा नगरपालिकाभिटर बन्दाबन्दीके अवधिमे सुत्केरी तथा गर्भवती रहल महिलाहुकनके तथ्याङक संकलन करके ३ सय ५० जाने महिलाहुकनहे अण्डा, घ्यू, सुजी, बदाम, काजु, हरलिक्स ओ साबुन स्याम्फू डेहल अध्यक्ष घिमिरे बटैली ।

दलित महिला अधिकार मञ्च नेपाल डिसिएके आर्थिक सहयोगमे विगत तीनवर्षसे उ क्षेत्रके महिला, दलित तथा सिमान्तकृत समुदायके हक, अधिकारके विषयमे वकालत तथा पैरवी, महिलाहुकनके न्यायमे पहँच, निःशुल्क कानूनी सहायता तथा महिलाहुकनहे आर्थिकरुपसे बल्गर बनैना जिविकोपार्जनओर काम करटी आइल बा ।

कोभिड–१९ से सक्कु कार्यक्रमहे परिमार्जन करके सरकारके निर्णयहे पालन करटी जोखिममे परलहुकनहे राहत, कृषिमे सहयोग जैसिन कार्यक्रम करटी आइल अध्यक्ष घिमिरे जनैली । उहाँ स्थानीय सरकारसंगके समन्वय ओ सहकार्यमे काम करटी आइल बटैली ।

जनाअवजको टिप्पणीहरू