जबरजस्ती करणी मुद्दामे फरार पक्राउ

पहुरा समाचारदाता
धनगढी,१६ भदौ । जबरजस्ती करणी मुद्दामे फरार एक जाने पक्राउ परल बाटै ।
कैलाली धनगढी उपमहानगरपालिका वडा नम्बर ७ बैठना बर्ष २८ के श्रीराम राना पक्राउ परल जिल्ला प्रहरी कार्यालय कैलालीके प्रवक्ता प्रहरी नायव उपरीक्षक प्रतिक विष्ट जनैलै ।

श्रीरामके घरेम डेरा कोठा लेके बैठल २०७७ असार २४ गते पीडितके गोसिया काममे गैल समयमे पीडित एक्लै डेरा कोठामे बैठल समय छोपके घरधनी श्रीराम कोठामे आके धाक धम्की डेके डराई धम्काई जबरजस्ती करणी करल प्रहरी जनैले बा । कुहीहे बटैलेसे मारडेना कहिके फरार रहल घटना जबरजस्ती करणी शिर्षकमे मुद्दा करके अनुन्धानमे खटल प्रहरी टोली भदौ १४ गते जिल्ला कैलाली धनगढी उपमहानगरपालिका वडा नम्बर ७ से पक्राउ करल रहे । कैलाली जिल्ला अदालतसे म्यादथप करके थप अनुसन्धान हुइटी रहल जिल्ला प्रहरी जनैले बा ।