धनगढीमे समुदायसे थप ४५ जानेक स्वाव संकलन

पहुरा समाचारदाता
धनगढी, २१ भदौ । धनगढी उपमहानगरपालिका अँटवारके रोज वडा नम्बर १ स्थित कर्वडहलमे क्याम्प धारके पिसिआर परीक्षणके लाग स्वाव संकलन करले बा ।

स्वाव डेहुइयामे संक्रमित भेटल परिवारके सदस्य, प्रत्यक्ष सम्पर्कमे आइल व्यक्ति रहल बाटै । समुदायसे ४५ जानेक स्वाव संकलन करल धनगढी उपमहानगरपालिका स्वास्थ्य शाखाके अहेव दिपक सुनार जनैलै । नगर क्षेत्रमे ट्राभल हिस्ट्री नइरहल व्यक्तिमे कोरोना संक्रमण विल्गाइलपाछे पिसिआर परीक्षणके दायरा बढाइल बा ।

उपमहानगरपालिका समुदायसे ट्रेसिंग करके अँटवारसम २ सय ७७ जानेक पिसिआर परीक्षणके लाग स्वाव संकलन करले बा ।