थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १९ अगहन २६४६, सोम्मार ]
[ वि.सं १९ मंसिर २०७९, सोमबार ]
[ 05 Dec 2022, Monday ]

लउण्डीहे बन्धक बनाके सामूहिक बलात्कार

पहुरा | २३ भाद्र २०७७, मंगलवार
लउण्डीहे बन्धक बनाके सामूहिक बलात्कार

घटना नुकैना प्रहरीके दबाब

कञ्चनपुर, २३ भदौ । कञ्चनपुरमे १६ बर्षके लउण्डी अपनहे सामूहिक बलात्कार हुइल कहटी प्रहरीमे उजुरी डेले बटी ।

५ दिनसम बन्धक बनाके सामूहिक बलात्कार करल कहटी उहाँ इलाका प्रहरी कार्यालय बेल्डाँडीमे उजुरी दर्ता हुइल बा । जिल्लाके बेल्डाडी गाउँपालिकामे ५ मे मामाके घर बैठटी आइल लउण्डी भदौ १४ गतेसे वेपत्ता हुइल रहिट ।

उहाँक मामा भाञ्जी हेराइल कहटी प्रहरीहे उजुरी डेहल रहिट । लउण्डीहे भदौ १९ गते १२ आरा मिल लग्गेसे प्रहरी फेला पारल रहे । ओकरपाछे प्रहरी लउण्डीहे मामाके जिम्मा लगैलै ।

मने, घटनाके कुछ दिनपाछे लउण्डी अपन उप्पर सामूहिक बलात्कार हुइल कहटी प्रहरीमे उजुरी डेले बाटै । ‘४ जाने युवा बलात्कार करल कहटी ठाडो उजुरी परल बा’ प्रहरी स्रोत कहल ।

५ दिनसम लागू औषध खवाके बन्धक बनाके बलात्कार करल उजुरीमे लउण्डी उल्लेख करले बाटी । प्रहरीके दबाबमे लउण्डी पहिल दिन घटनाबारे नइबटाइल आरोप लागल बा । ‘लउण्डी अपनहे प्रहरी दबाब डेहल कहले बाटी, प्रहरी स्रोत कहल ‘आरोपित प्रहरीउप्पर समेत कारबाही प्रक्रिया सुरु हुसेकल बा । ।’

बलात्कार करल आरोप लागल ४ जाने अब्बे फरार बाटै । जिल्ला प्रहरी कार्यालय कञ्चनपुरके प्रवक्तासमेत रहल प्रहरी नायव उपरीक्षक अमरबहादुर थापा घटनाबारे थप अनुसन्धान हुइटी रहल बटैलै । ‘हम्रे अनुसन्धानमे बाटी उहाँ कहलै ‘कानुनी प्रक्रियाअनुसार आघे बह्रबी ।’

जनाअवजको टिप्पणीहरू