थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ अगहन २६४६, मंगर ]
[ वि.सं १३ मंसिर २०७९, मंगलवार ]
[ 29 Nov 2022, Tuesday ]

घोडाघोडी बहुमुखी क्याम्पससे अनलाईन कक्षा सञ्चालन

पहुरा | २७ भाद्र २०७७, शनिबार
घोडाघोडी बहुमुखी क्याम्पससे अनलाईन कक्षा सञ्चालन

पहुरा समाचारदाता
सुखड, २६ भदौ ।
घोडाघोडी बहुमुखी क्याम्पससे अनलाईन कक्षा संचालनमे लन्ले बा ।

क्यू एए प्राप्त क्याम्पस पाछेक समयमे विश्वव्यापी महामारी कारणसे प्रभावित हुइल शैक्षिक अवस्थाहे मध्यनजर करटी अब्बेक अवस्थामे फेन सेकटसम सक्कु विद्यार्थीहुक्रनहे समेट्ना मेरके सहज सिकाइ वातावरण तयार पारक लाग क्याम्पससे भर्चुअल विधिसे शिक्षण सिकाइ क्रियाकलापके सुरुवात करल हो ।

क्याम्पस प्रमुख बिनोद कुमार खड्काके अनुसार अवस्था सामान्य हुइटी किल संचालन हुइ सेक्ना परिक्षाहे मध्यनजर कैके अनलाईन कक्षा संचालन हुइल बटैलै । क्याम्पस प्रमुख खड्काके अनुसार, ‘करिब १८ सय बिद्यार्थीहुक्रनके इमेल आईडी तयार पारके क्याम्पसके स्नाकोत्तर तहके पहिल ओ टिसरा सेमेष्टरके विद्यार्थी ओ स्नातक तहके पहिल ओ दुसरा बरसमे अध्ययनरत विद्यार्थीहुक्रनके अनलाईन माध्यमसे कक्षा संचालन करटी रहल बाटी । ओकरसंगे कक्षा ११ ओ १२ हे फेन अनलाईनसे कक्षा संचालन कैना तयारी हुइटी रहल बा ।’

त्रिभुवन विश्व बिद्यालयसे अनलाईन मार्फत कक्षा संचालन कैना कार्यबिधि सहितके परिपत्र करल अनुसार कक्षा संचालन हुइटी रहल जनाइल बा । अनलाईन कक्षामे विद्यार्थीके पहुँचके लाग नेपाल टेलिकमसंग सस्तामे ई–लर्निङ डाटा प्याकके लाग समन्वय हुइटी रहल जनाइल बा ।

करिब १ हजार ५ सय बिद्यार्थी प्रत्यक्ष लाभाम्बित हुइना योजना सहित कक्षा संचालनमे लानाल जनाइल बा । घोडाघोडी बहुमुखी क्याम्पसके उपप्राध्यापक चेतराज विनाडीके अनुसार विश्व कोरोनासे ग्रस्त हुइल सन्दर्भमे शैक्षिक सत्र लम्मा समयसे बन्द हुइल परिस्थितिमे अनलाइन क्लास एक बैकल्पिक माध्यमके रुपमे विद्यार्थीहे प्रबिधिके प्रयोगसे पठन पाठनहे सुचारु करल बटैलै ।

नेपालके शैक्षिक क्षेत्रमे इ एक नबिन प्रयोग रहल ओरसे कुछ कठिनाइ फेन रहल उहाँके कहाइ बा । क्याम्पसमे अध्ययनरत विद्यार्थीके अनुसार अनलाइन कक्षा सुरु करल प्रति खुशी व्यक्त करटी विद्यार्थीके समस्याहे मध्यनजर करटी सरकारसे निःशुल्क तथा सुलभ मुल्यमे इन्टरनेट उपलब्ध कराइ पर्ना बटाइल बा ।

जनाअवजको टिप्पणीहरू