थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ अगहन २६४६, मंगर ]
[ वि.सं १३ मंसिर २०७९, मंगलवार ]
[ 29 Nov 2022, Tuesday ]

थारु म्युजिक भिडियो ‘आर की पार…’ सार्वजनिक

पहुरा | ३० भाद्र २०७७, मंगलवार
थारु म्युजिक भिडियो ‘आर की पार…’ सार्वजनिक

पहुरा समाचारदाता
धनगढी, ३० भदौ ।
थारु म्युजिक भिडियो ‘आर की पार…’ सार्वजनिक हुइल बा । विन्दास मिडिया यूट्यूब च्यानलसे सार्वजनिक हुइल म्युजिक भिडियोमे बालकृष्ण, सुयोग चौधरी, रञ्जिता बखरिया, पार्वती राना लगायत कलाकार रहल बाटै ।

शब्द संगीत सुुवेश कठरियाके गीतमे आनन्द महतोके स्वर रहल बा । म्युुजिक भिडियोके छायांकन ओ एडिट शाहिल चौधरीके रहल बा ।

आदर्श महतो डाइरेक्सन करल म्युजिक भिडियो चिसापानीके पितमारी, बर्दियाके राजापुरके टमान ठाउँमे छायांकन करल बा ।

यिहे बिच थारु म्युजिक ‘पागल मन…’ फेन हाली बजारमे अइना हुइल बा । म्युजिक भिडियोमे थारु कलाकारिता क्षेत्रके सुपर मोडल बीर चौधरी, सुनिता चौधरी, सुजु राजवंशी लगायत कलाकार रहल बाटै ।

गायक समीक्षा चौधरीके गीत ओ स्वर रहल बा । म्युजिक भिडियोके डाइरेक्सन सुधराम दहित करले बाटै । भिडियोके छायांकन ओ एडिट शाहिल चौधरीके रहल बा । भिडियोके छायांकन कैलारी गाउँपालिकाके धार्मिक पर्यटकीय क्षेत्र वनदेवी मन्दिर, सुख्खड बजार लगायत ठाउँमे हुइल बा ।

कलेसे म्युजिक भिडियो ‘प्रेम गीत…’ फेन हाली बजारमे अइना जनाइल बा । मोडल बीर चौधरी, दिपिका चौधरी, सुनिता चौधरी लगायत कलाकार रहल म्युजिक भिडियोके गीतमे केके राज ओ समीक्षा चौधरीके स्वर रहल बा ।

भिडियोके डाइरेक्टरमे सुधराम दहित, असिस्टेन्ट डाइरेक्टर आदर्श महतो रहल बाटै । भिडियो छायांकन तथा एडिटमे शाहिल चौधरी रहल बाटै । कैलालीके चिसापानीको पीतमारी, सुख्खड बजारमे रहल च्वाइस इन होटलमे छायांकन हुइल बा ।

थारु म्युजिक भिडियो निर्माण पक्षहे कोरोना भाइरस (कोभिड–१९) तथा लकडाउनसे कुछ दिन प्रभाव परलेसे फेन लकडाउन फोँफर हुइलसंगे फेरसे म्युजिक भिडियो धमाधम निर्माण हुइटी रहल बा ।

लावा लावा थारु गीतसंगीत बजारमे आइलसंगे म्युजिक भिडियो फेन धमाधम निर्माण हुइटी रहल बा । अब्बा अँठ्वारमे ३/४ ठो थारु म्युजिक भिडियो छायांकन हुइटी रहल थारु राष्ट्रिय कलाकार मञ्च सुदूरपश्चिमके सचिव स्वरुप चौधरी जानकारी डेलै ।

थारु म्यूजिक भिडियो विन्दास मिडिया, हमार म्युजिक बगिया, सीएस फिल्मस्, सुलभ फिल्मस् प्रालि लगायत यूट्युब च्यानलसे बजारमे अइटी रहल बा ।

भिडियोके लाग यहाँ क्लीक करी ।

सम्बन्धित समाचार
‘पागल मन’ ओ ‘प्रेम गीत’ अइना तयारी

जनाअवजको टिप्पणीहरू