विपन्न परिवारहुकन राहत
पहुरा समाचारदाता
सुखड, ३ कार्तिक । घोडाघोडी नगरपालिका वडा नम्बर ८ के विपन्न परिवारहे राहत वितरण करल बा ।
‘केही नहुनेका लागि हामी छौं’ अभियान अन्तर्गत घोडाघोडी नगरपालिकाके विपन्न परिवारहे राहत वितरण करल हो । सोम्मारके अभियानके आठौँ दिन अन्तर्गत ४ परिवारहे राहत वितरण करल जनाइल बा ।
अति विपन्न परिवारहे १९ हजार रुप्या बराबरके चाउर, दाल, तेल, नुन, सोयाबिन, साबुन खाद्य सामाग्री सहित ओ एक हजार वितरण करटी अभियन्ता लक्ष्मी भट्टराई बटैली ।
अध्ययनके लाग अष्ट्रेलिया गैल विष्णु भट्टराई ओ भारतके व्यांगलोरमे बैठ्टी आइल मौसम सुनार सहयोग करल कर्ण भण्डारी बटैलै । आपनहुक्रनके समन्वय मार्फत अति विपन्न परिवारहे राहत वितरण करल अभियान्ताहुक्रे बटैले बाटै ।
कुछ नाइ रहलहुक्रनके लाग हम्रे बाटी अभियानमे स्थानीय कुछ युवाहुक्रे कुछ रकम अपनहे ओ कुछ औरेक सहयोगमे फेन विपन्न गरिब बस्तीमे खाद्यान्न हस्तान्तरण करटी आइल बाटै ।
आठौँ दिनके राहत वितरण कार्यक्रममे वडा नम्बर ८ के वडा अध्यक्ष भिम बोगटी ,घोडाघोडी उद्योग वाणिज्य संघके अध्यक्ष जियालाल आचार्य, उपाध्यक्ष नन्दराम सापकोटा, इलाका प्रहरी कार्यालय सुखडके प्रहरी नायब उपरीक्षक सागर बोहरा लगायतके सहभागिता रहल रहे ।
अब्बसम एक दर्जन ढिउर परिवारहे सहयोग करल जनाइल बा । अभियानमे घोडाघोडी बहुमुखी क्याम्पसके पूर्व प्राचार्य लक्ष्मीप्रसाद भट्टराई, राष्ट्रिय कलेजके प्राचार्य कर्ण भण्डारी, घोडाघोडी उद्योग वाणिज्य संघके पूर्व उपाध्यक्ष होम आचार्य, व्यापारी ठम्मन बोहरा, ज्ञानु चौधरी ओ विद्यार्थी धर्मेन्द विष्ट रहल बाटै ।
