थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १८ अगहन २६४३, बिफे ]
[ वि.सं १८ मंसिर २०७७, बिहीबार ]
[ 03 Dec 2020, Thursday ]

नगरप्रमुख वडसे डस्यक अवसरमे शुभकामना व्यक्त

पहुरा | ७ कार्तिक २०७७, शुक्रबार
  • 27
  •  
  •  
  •  
  •  
  •  
  •  
  •  
    27
    Shares
नगरप्रमुख वडसे डस्यक अवसरमे शुभकामना व्यक्त

पहुरा समाचारदाता
धनगढी, ७ कार्तिक ।
धनगढी उपमहानगरपालिकाके नगरप्रमुख नृपबहादुर वड ओ उपप्रमुख सुशीला मिश्र भट्ट हिन्दुहुकनके महान पर्व डस्या २०७७ के पावन अवसरमे शुभकामना व्यक्त करले बाटै ।

शुकके रोज नगरप्रमुख वड ओ उपप्रमुख भट्ट शुभकामना सन्देश जारी करटी स्वदेश तथा विदेशमे रहल सक्कु नेपाली डाडुभैया ओ डिडीबहिनीयाहुकनके जीवनमे सुख, शान्ति ओ समृद्धि नन्ना एवम् कोरोना महामारीसंग विजय प्राप्त करे सेक्ना शक्ति देवी दुर्गासे प्रदान करिट कना कामना करले बाटै ।

‘डस्या असत्य उप्परके सत्यके विजय उत्सव हो । दुर्गा भगवती दानवीय शक्तिउप्पर विजय हासिल करल खुसियालीमे प्रसादके रुपमे लाल टिका ओ जेउँरा लगैना प्रचलन रहल बा । मान्यजनसे टीका, जेउँरा ग्रहण कैना ओ मिठ खाके मनैना यी पर्वके भारी धार्मिक तथा सामाजिक महत्व रहल बा ।’

शुभकामना सन्देशमे कहल बा । ओस्टेक करके धनगढी उपमहानगरपालिकासे हरेक जाति, वर्ग, क्षेत्र, धर्म ओ समुदायके चाडपर्वहे समान प्राथमिकता डेटी आइल अवगत कराई चाहठी । यैसिन चाड पर्व सामाजिक एकता, धार्मिक सहिष्णुता, आपसी सद्भाव ओ सम्वन्धहे थप मजबुद बनैना करठ ।’

शुभकामना सन्देशमे कहल बा, ‘आवश्यक काम बाहेक घर बाहेर नइनिकरना, बजारमे किनमेल करेबेर, अनिवार्य रुपमे सामाजिक एवम् भौतिक दुरी कायम कैना, मन्दिरमे भिडभाड तथा मेलाके आयोजना नइकैना, जोखिम घटाइक लाग मास्कके प्रयोग कैना, बार–बार साबुन पानीसे हात धुइना, सरसफाईमे ध्यान डेना ओ जुरी अइना, थकाई लग्ना, सुख्खा खोकी लग्लेसे स्वास्थ्यकर्मीके परामर्श लेना सक्कुहुनमे हार्दिक आह्वान करटी ।’ शुभकामना सन्देशमे कहल बा ।

  • 27
    Shares

जनाअवजको टिप्पणीहरू