कोरोना संक्रमण बर्हलपाछे भजनी नगरपालिकाके सेवा बन्द

पहुरा समाचारदाता
धनगढी, १६ कुवाँर । कैलाली जिल्लाके भजनी नगरपालिकामे कोरोना संक्रमित बर्हटी गैलपाछे नगरपालिका तथा वडा कार्यालयसे हुइना सक्कु सेवा बन्द करल बा ।

प्राथमिक स्वास्थ्य केन्द्रमे कार्यरत १५ स्वास्थ्यकर्मीमे कोरोना भाइरसके संक्रमण डेखलपाछे अत्यावश्यक बाहेक सक्कु सेवा बन्द करल हो । नगरपालिकाके उपप्रमुख छाया देवकोटासे सूचना जारी करटी स्वास्थ्य केन्द्रमे सेवारत अधिकांश स्वास्थ्यकर्मीमे कोरोना भाइरसके संक्रमण पुष्टि हुइल पाछे बन्द करल उल्लेख बा ।

समुदायस्तरसम फैले नाइ डेना नगरपालिका ओ नौ वडा कार्यालयसे प्रदान करजैना अत्यावश्यक बाहेकके सक्कु सेवा औरे सूचना जारी नाइ हुइटसमके लाग बन्द करल उपप्रमुख देवकोटा बटैली ।

उहाँ सरकारसे जोखिम न्यूनीकरणके लाग जारी करल स्वास्थ्य सुरक्षा मापदण्ड पालना कैके आपन दैनिक क्रियाकलाप सञ्चालन कैना नगरवासीमे अनुरोध करले बाटी ।