थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २३ अगहन २६४६, शुक्कर ]
[ वि.सं २३ मंसिर २०७९, शुक्रबार ]
[ 09 Dec 2022, Friday ]

धनगढीमे सुपथ मूल्य पसल सञ्चालन

पहुरा | १६ आश्विन २०७७, शुक्रबार
धनगढीमे सुपथ मूल्य पसल सञ्चालन

पहुरा समाचारदाता
धनगढी, १६ कुवाँर ।
साल्ट ट्रेडिङ कर्पोरेसन क्षेत्रीय कार्यालय धनगढीसे टरटिहार लक्षित कैके धनगढीमे बिफेक रोजसे अगहन ६ गतेसमके लाग सुपथ मूल्य पसल सञ्चालन करले बा ।

उपभोक्ताहे राहत उपलब्ध करैना उद्देश्यसे डश्या डेवारी लगायतके टिह्वारहे लक्षित कैके सुपथ मूल्य पसल सञ्चालनमे लानल कर्पोरेसन क्षेत्रीय कार्यालय धनगढीके नायब महाप्रबन्धक केशवप्रसाद पाण्डे जानकारी डेलै । सुपथ मूल्य पसलसे चिनी, नोन, चाउर, साबुन ओ स्यानिटाइजरलगायतके सामग्री बिक्री कैना नायब महाप्रबन्धक पाण्डे बटैलै । “पसलमे चिनी प्रतिकिलो रु ७० ओ नोन प्रतिकिलो रु १८ मूल्य निर्धारण करले बाटी”, उहाँ कहलै, बाहरसे दरसे चिनी प्रतिकिलोमे रु १० ओ नोन प्रतिकिलोमे रु दुई छुट करल बा ।”

ओस्टके साबुन एकठोके रु पाँच ओ स्यानिटाइजरमे रु १० छुट करल बटाइल बा । सुपथ मूल्य पसलसे उपभोक्तासे प्रतिव्यक्ति चार किलोसम खरिद करे पैना व्यवस्था रहल बा । नाउर भर खाद्य संस्थानसे रख्ना कहल बा । “साल्ट टे«डिङके अब्बे सक्कु कारोवार अनलाइन विलिङ सिस्टम बा मने पहाडी क्षेत्रमे उक्त सिस्टम नाइ हुइल अब्बे खोले सेक्ना अवस्था नाइहो”, नायब महाप्रबन्धक पाण्डे कहलै, “विगतमे जबसम अनलाइन विलिङ सिस्टम नाइ रहे उ बेलामे कैलालीके टीकापुर, कञ्चनपुरके बेलौरी, महेन्द्रनगर ओ पहाडी जिल्लामे बैतडी, डडेल्धुरा, दीपायललगायतके स्थानमे सुपथ मूल्यके पसल सञ्चालनमे लानल रहे। अब्बे अनलाइन बिलिङ हुइलपाछे अन्य स्थानमे रोकल बा ।”

स्थानीय निकायसे साल्ट ट्रेडिङसे समन्वय कैके सुपथ मूल्य पसल राखे चाहलमे कर्पोरेसन सामान उपलब्ध करैना तयार रहल पाण्डेके कहाइ रहे । यी बेर सुपथ मुख्य पसलमे कौनो उत्पादनकर्ता आपन सामान बिक्री करे चाहलमे उक्त वस्तु साल्ट ट्रेडिङसे खरिद कैके उपभोक्ताहे बिक्री करे सेकजैना थप व्यवस्था मिलाइल कर्पोरेसन क्षेत्रीय कार्यालय जनैले बा ।

जनाअवजको टिप्पणीहरू