थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०१ भादौ २६४६, बुध ]
[ वि.सं १ भाद्र २०७९, बुधबार ]
[ 17 Aug 2022, Wednesday ]

परिचयपत्र नाइपाइल मुक्त हलियाके गुनासो

पहुरा | २२ आश्विन २०७७, बिहीबार
परिचयपत्र नाइपाइल मुक्त हलियाके गुनासो

डोटी, २२ कुवाँर । जिल्लाके अधिकांश मुक्त हलिया मुक्त हुइल वर्षौ बिट्लेसे फेन अपनेहुक्रे हलिया परिचयपत्र नाइ पाइल गुनासो करले बाटै ।

कुछ पहुँच हुइल परिचयपत्र पैलेसे फेन अधिकांश परिचयपत्र नाइ पाइल कहटी उहाँहुक्रे यथार्थ विवरण संकलन करे पर्र्ना माग करले बाटै । हलिया पुनःस्थापनाके प्याकेज आघे करे पर्ना, परिचयपत्र वितरण करे पर्ना ओ ओकर आधारमे सेवा सुविधा डेहे पर्नामे उहाँहुक्रनके जोड बा ।

हलिया परिचयपत्र नाइ पाके सरकारी सेवा सुबिधासे बञ्चित हुइ परल उहाँहुक्रनके गुनासो बा । साविकके लडागडा गाविस, हाल दिपायल सिलगढी नगरपालिका वडा नम्बर ८ के मुक्त हलिया लाली दमाई गाविस रहेबर नै कुछ मनै आपन हलिया परिचयपत्र बनैना कहटी नागरिकता लगायत कागजात मागके लैगिल रलेसे फेन हालसम परिचयपत्र नाइ डेहल गुनासो करलै ।

उहाँ कहलै, ‘हलिया परिचयपत्र बना डेब कहिके कागजपत्र मागके लैगिल अब्बेसम कोइ फेन परिचय नाइ पैले हुइट ।’

उहे नगरपालिकाके वडा नं ७ उडितोलाके चन्द्रा बिक फेन आपन ओस्टके नै कागजपत्र लैगिल रलेसे फेन कुछ व्यक्तिके परिचयपत्र बनसेकल मने संगे पठाईल अन्य ढिउर जनहनके परिचयपत्र नाइ बनल बटैलै ।

उहाँ कहलै, ‘हमारसंग पठाइल कुछके परिचयपत्र बनल मने हमार नाइ बनल काहे नाइ बनल कहिके पुछ्ना ठाउँ फेन पटा नाइहो ।’

दिपायल सिलगढी नगरपालिका–५, घोलतडा बैठुइया राधा दमाई कतिपय मुक्त हलिया परिचयपत्र पाइ नाइ सेकल ओ पासेकल फेन परिचयपत्रअनुसार राज्यसे प्रदान करजैना सेवा सुविधा पाइ नाइ सेकल गुनासो करलै । उहे नगरके वडा नं ९ कलेना बैठुइया लक्ष्मी नेपालीके अनुसार चलाख मनै मुद्दा प्रक्रियासे समेत परिचयपत्र लेके सेवा सुविधा लेहे सेकल मने कमजोर अवस्थाके मुक्त हलियाके हालत ज्यूँकेत्यूँ रहल गुनासो करलै । उहाँ कहलै, ‘ठाउँमे कना ओ बोलुइयाके परिचयपत्र अइलेसे हम्रे बोले ओ कहे नाइ सेक्ना गरिबके नाइ आइल, हमार पीडा के बुझ्ना ?’

डोटीमे हलियाके सवालमे शुरुआतसे नै नेतृत्वदायी भूमिकामे करटी आइल हलिया अगुवा सीता बिक फेन वास्तविक हलियाहुक्रे आभिन तथ्यांकममे छुटल स्वीकार करलै । जिल्लामे मुक्त हलियाके पूर्ण तथ्यांक आभिन संकलन हुइ नाइ सेकल मुक्त हलियाके गुनासो रहल बा ।
सायल गाउँपालिकाके अध्यक्ष तेजबहादुर डुम्रेल केन्द्रसे हलियाके नाउँमे अइना बजेट असारमे किल अइना करल जानकारी डेलै । उहाँ एक महिनाके छोट समयमे काम कैना समस्या
हुइना ओ काम नाइ करल बजेट फ्रिज जैना अवस्था रहल वास्तविक हलिया प्रत्येक बरस सरकारी सेवासे वञ्चित हुइ परल बटैलै ।

गैर सरकारी संस्था महासंघके अध्यक्ष रघुबहादुर कठायत जिल्लाके सवालमे हलियाके अगुवाबीच विवाद ओ राष्ट्रिय मुक्त हलिया समाजके अस्तव्यस्ततासे वास्तविक हलियाके माग ओझेलमे परल आरोप लगैलै । दिपायल सिलगढी नगरपालिकाके नगर प्रमुख मञ्जु मलासी भर हलियाके ढिउर समस्या समाधान हुइल ओ आगामी दिनमे बाँकी काम पूरा कैना बटैलै ।

जनाअवजको टिप्पणीहरू