भजनी ट्राफिक बिट उद्घाटन

पहुरा समाचारदाता
भजनी, २६ कुवाँर । भजनी नगरपालिकामे स्थापना हुइल ट्राफिक बिटके उद्घाटन करगिल बा ।

सुदूरपश्चिम प्रदेश ट्राफिक प्रहरी कार्यालय अतरियाके प्रमुख प्रहरी उपरीक्षक बामदेव गौतम उ बिटके उद्घाटन करल हुइट । उद्घाटन पाछे उहाँ भजनी नगरपालिकासे ट्राफिक प्रहरी बिट बनाके सहयोग करलमे धन्यबाद ब्यक्त करल रहिट । कलेसे भजनी क्षेत्रमे हुइना सवारी दुर्घटना न्यूनीकरणके लाग ट्राफिक प्रहरी सदैब लागल बटाइल रहिट ।

भजनी नगरपालिकाके १ लाख ३५ हजार रुपैयाँके लागतमे निर्माण हुुइल हो । उहे कार्यक्रमके बिच वडा नं. ३ भजनी बजारमे सचेतना मुलक कार्यक्रम फेन हुइल रहे ।

भजनी नगरपालिकाके प्रमुख शेरबहादुर चौधरीके घरगोसियाइमे कार्यक्रम हुइल रहे । कार्यक्रममे भजनी नगरपालिकाके उपप्रमुख छाँया देवकोटा, जनप्रतिनिधि, समाजसेवी, वुद्धिजीवी लगायतहुक्रनके उपरिस्थति रहल रहे ।