थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०६ कार्तिक २६४३, बिफे ]
[ वि.सं ६ कार्तिक २०७७, बिहीबार ]
[ 22 Oct 2020, Thursday ]

दिनेश फाउण्डेशनसे वनदेवी मन्दिर परिसर सरसफाई

पहुरा | ३० आश्विन २०७७, शुक्रबार
  • 106
  •  
  •  
  •  
  •  
  •  
  •  
  •  
    106
    Shares
दिनेश फाउण्डेशनसे वनदेवी मन्दिर परिसर सरसफाई

पहुरा समाचारदाता
धनगढी,३० कुवाँर । दिनेश ग्रुप अन्तर्गत दिनेश फाउण्डेशनसे डशियाके पूर्व सन्ध्यामे शुकके रोज धनगढीमे रहल वनदेवी मन्दिर परिसर सरसफाई करले बा ।

डशियाके बेला धार्मिक स्थल सरसफाई रहे परठ कना उद्देश्यके साथ फाउण्डेशनसे बार्षिक तालिका अनुसार वनदेवी मन्दिर परिसर सरसफाई करल हो । सरसफाई करटी मन्दिरमे लौवा झालार फेर्ना, रंगरोगन कैना, लौव झण्डा फेर्ना, परिसरमे रहल बोटविरुवा गोडमेल करल दिनेश ग्रुपके कार्यकारी अध्यक्ष तथा दिनेश फाउण्डेशनके अध्यक्ष श्याम हमाल बटैैलै । डशियाके पूर्व सन्ध्यामे १० बरससे नियमित सरसफाई करटी आइल उहाँ बटैलै ।

फाउण्डेशनके अध्यक्ष हमाल कहलै, ‘हम्रे सामाजिक उत्तरदायित्व बहन करेक लाग प्रत्येक सावन महिनामे रक्तदान कार्यक्रम ओ वनदेवी मन्दिर सरसफाई करटी आइल बाटी, यी बरस धनगढीके रंगशालाभिटर रहल हनुमान मन्दिर मर्मत ओ रंगरोगन कैना कहले बाटी ।’

वनदेवी मन्दिर धार्मिक स्थल केल नइहुके संग्गे पार्कफे रहल बा, व्यवस्थापन मजा करलेसे ओरसे घुमे अइना आन्तरिक तथा बाहिय पर्यटक मन्दिरके दर्शन संगे बैठके रमाई सेक्ना अध्यक्ष बटैलै । सरसफाई कार्यक्रममे दिनेश ग्रुपके एक सयसे ढेर कर्मचारी मन्दिरके पूर्व गेटसे पश्चिम गेटसम सरसफाई करल रहिट ।

  • 106
    Shares

जनाअवजको टिप्पणीहरू