वन मुद्दामे फरार एक पक्राउ

पहुरा समाचारदाता
धनगढी, १७ कार्तिक । ईलाका प्रहरी कार्यालय भजनीसे खटल प्रहरी टोली वन मुद्दामे फरार १ जनहनहे पक्राउ करले बा । पक्राउ परलमे भजनी नगरपालिका–९ भुरुवा बैठना वर्ष ४७ के छेदु राजी रहल बाटै । उहाँहे वन मुद्दा लागलपाछे फरार रहल जिल्ला प्रहरी कार्यालय कैलालीके प्रवक्ता प्रतिक विष्ट जनैलै ।

कैलाली जिल्ला अदालतके २०७१ बैशाख १७ गतेक फैसलासे ३ महिना कैद ओ दुई लाख एक हजार नौ सय साठी जरीवाना हुइलपाछे छेदु फरार रहिट ।

कैलाली साविक खैलाड गाविस वडा नम्बर ४ हाल भजनी नगरपालिका–९, भुरुवा निवासी छेदुहे ईलाका प्रहरी कार्यालय भजनीसे खटल प्रहरी टोली अँटवार रोज उहेक घरेम रहल अवस्थामे फेला पारके पक्राउ करल प्रहरी नायव उपरीक्षक विष्ट जनैलै । छेदु हे अँटवारके रोज कैलाली जिल्ला अदालतमे दाखिला करल बा ।