कन्ये च्याउ खेती तालिम

पहुरा समाचारदाता
लम्की, १७ कार्तिक । जानकी गाउँपालिका वडा नम्बर ५ मे २ दिने व्यवसायिकक कन्ये च्याउ खेती प्रविधि तालिम सम्पन्न हुइल बा ।

जानकारी गाउँपालिका वडा नम्बर ५ के आयोजनामे हुइल तालिममे २५ जनहनके सहभागिता रहल रहे । तालिमके मुख्य प्रशिक्षकमे एन्जील चौधरी रहल रहिट ।

ओस्टके प्रशिक्षकमे गाउँपालिकाके कृषि प्राविधिक रहल जनाइल बा । तालिम समापनके रोज सहभागिहुक्रनहे कन्ये च्याउके विउ फेन वितरण करल बा । हरेक जनहनहे ४० पोका कच्ये च्याउके विउ वितरण करल हो ।

समापन कार्यक्रममे वडा अध्यक्ष भीमबहादुर थारु, सदस्य रत्नादेवी विश्वकर्मा लगायतके सहभागिता रहल रहे । कार्यक्रमके सञ्चालन गाउँपालिकाके कृषि प्राविधिक चक्रप्रसाद भाट करल रहिट ।