लामिटल्वाके डीपीआर तयार
पहुरा समाचारदाता
अत्तरिया, १८ कार्तिक । गोदावरी नगरपालिका लामिटल्वाक विस्तृत आयोजना प्रतिवेदन (डीपीआर) तयार पारके संस्कृति, पर्यटन तथा नागरिक उड्ड्यन मन्त्रालयहे पठैले बा ।
ड्याम निर्माण कैके ७ हेक्टरसे १० हेक्टर क्षेत्रफलमे फैलल् टल्वाहे पर्यटकीय गन्तव्यके रुपमे विकास करक लाग नगरपालिका डीपीआर तयार पारके मन्त्रालयमे पठाइल हो ।
‘गैल बरस नै हम्रे टल्वाके डीपीआर तयार पारके मन्त्रालयमे पठैले बाटी,’ गोदावरी नगरपालिकाके प्रवक्ता शर्मानन्द भट्ट कहलै । दुर्गालक्ष्मी सामुदायिक वन्वा भिट्र पर्ना टल्वाके झण्डे २० विघा क्षेत्रफलमे टल्वा, फन पार्क, मन्दिर, पार्किङ स्थललगायतके भौतिक संरचना निर्माण कैके आन्तरिक एवं वाह्य पर्यटक भित्र्याइना प्रमुख पर्यटकीय गन्तव्यके रुपमे विकास करे लागल भट्ट बटैलै ।
नगरपालिकासे तयार पारल डीपीआर अनुसार भौतिक संरचनालगायतके काम सम्पन्न कैना झण्डे १६ करोड लगानी आवश्यक पर्ना बा । बन्वक भोगाधिकार पैटी किल टल्वाके थप विकास ओ विस्तारके लाग डीपीआर अनुसार काम आघे बर्हैना जनाइल बा । चारुओर बन्वा रहल उ क्षेत्र आन्तरिक एवं वाह्य पर्यटकके लाग उपयुक्त स्थान हो । ‘लामिताल कौनो प्राकृतिक टल्वा नाइ रहिके मानव निर्मित टल्वा रहल लामिताल उपभोक्ता समितिके अध्यक्ष टिकादत्त जोशी बटैलै । पहिले ७ हेक्टरमे फैलल् यी टल्वा अब्बे ड्याम बाँधके १० हेक्टरमे फैले पुगल बा,’ उहाँ कहलै ।
