थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ अगहन २६४६, मंगर ]
[ वि.सं १३ मंसिर २०७९, मंगलवार ]
[ 29 Nov 2022, Tuesday ]

भारतीयहे नागरिकताके सिफारिस डेहुइया वडाध्यक्ष धरौटीमे छुट्लै

पहुरा | १८ कार्तिक २०७७, मंगलवार
भारतीयहे नागरिकताके सिफारिस डेहुइया वडाध्यक्ष धरौटीमे छुट्लै

पहुरा समाचारदाता
धनगढी, १८ कार्तिक ।
धनगढीमे भारतीय नागरिकहे बंशजके आधारमे नेपाली नागरिकता डेहुवाइक लाग सिफारिस डेहुउइया वडाध्यक्ष धरौटीमे छुटल बाटै ।

भारतीय नागरिकहे नागरिकता डेहुवाइक लाग सिफारिस डेहुइया धनगढी उपमहानगरपालिका वडा नम्बर १२ के अध्यक्ष गणेशप्रसाद जोशी २५ हजार धरौटी बुझाके छुटल प्रहरी जनैले बा ।

जिल्ला प्रहरी कार्यालयके प्रवक्ता प्रहरी नायब उपरीक्षक प्रतीक विष्ट जिल्ला अदालत कैलालीमे सोम्मारके हुइल थुनछेक बहसपाछे वडाध्यक्ष जोशी २५ हजार धरौटी बुझाके रिहा हुइल जानकारी डेलै ।

जोशी २०७५ साल फागुन २० गते वडा नम्बर १२ के हिम्मतपुर शिविरके पुनिराम चौधरी नक्कली बाबा बनल सिफारिस करल भेटलपाछे प्रहरी पक्राउ कैके मुद्दा चलाइल रहे ।

ओस्टके कैलालीमे झुठो विवरण बनाके नेपाली नागरिकता लेहुइया भारतीय नागरिक ओ नक्कली दादा कारागार चलान हुइल बाटै ।

नक्कली विवरण बनाएर जिल्ला प्रशासन कार्यालय कैलालीसे नागरिकता लेहुइया भारतीय नागरिक अलियास अन्सारी पुर्पक्षके लाग कारागार चलान हुइल प्रहरी जनैलै बा ।

ओस्टके नेपाली नागरिकता लेहुइया अन्सारीके नक्कली दादा बनल खुसीराम चौधरी अदालतसे माग करल ५० हजार धरौटी बुझाइ नाइ सेकलपाछे कारागार चलान हुइल बाटै ।

जिल्ला प्रहरी कार्यालयके प्रवक्ता प्रहरी नायब उपरीक्षक विष्ट चौधरीससे ५० हजार धरौटी माग करलमे बुझाइ नाइ सेकके कारागार चलान हुइल बटैलै । चौधरीसंगे पक्राउ परल गिता चौधरी भर साधारण तारेखमे छुटल बाटी ।

जनाअवजको टिप्पणीहरू