थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ अगहन २६४६, मंगर ]
[ वि.सं १३ मंसिर २०७९, मंगलवार ]
[ 29 Nov 2022, Tuesday ]

थारु संग्रहालयसे संस्कृति संरक्षणमे टेवा

पहुरा | २१ कार्तिक २०७७, शुक्रबार
थारु संग्रहालयसे संस्कृति संरक्षणमे टेवा

पहुरा समाचारदाता
कञ्चनपुर, २१ कार्तिक ।
सुदूरपश्चिम प्रदेशके कञ्चजपुर जिल्ला शुक्लाफाँटा नगरपालिकाके उत्तरी चुरे भेग शुक्लाफाँटा नगरपालिका–८, भल्कामे स्थापना करल थारु संग्रहालय संस्कृति संरक्षणमे टेवा पुगैले बा ।

आदिवासी थारु समुदायके लोक संस्कृति संरक्षणके लाग कञ्चनपुरके शुक्लाफाँटा नगरपालिकामे थारु संग्रहालय स्थापना करल हो । संग्रहालयमे १ सय २४ मेरिक थारु समुदायके लोक परम्परागत चिज धारल बा ।

बरघर भलमन्सा महतौँ समितिके अध्यक्ष तथा थारु संग्रहालय व्यवस्थापन समिति अध्यक्ष पल्टाराम चौधरी आधुनिकतासंगे थारु समुदायके लोक परम्परागत धर्म, संस्कृति ओ संस्कार लोप हुइटी रहल ओरसे संग्रहालय स्थापना करल बटैलै । ‘हमार लोक सस्कृति लोप हुइटी बा’, अध्यक्ष चौधरी कहलै, ‘संग्राहलायमे थारु पहिरनसे लेके गहगहना, परम्परागत साधन धारल बा ।’ हमार लोक सस्कृति पुरान पुस्तासे लौवा पुस्तामे हस्तान्तरण हुई नइसेकल ओरसे थारु समुदायके सस्कृति धरापमे परटी गैल ओरसे संग्रहालय खोलल उहाँ बटैलै । अध्यक्ष चौधरीके अनुसार वडाके सहयोगमे स्थानीयसे थारु संग्रहालय स्थापना करल बटैलै ।

थारु समुदाय लोक परम्परागत संस्कृति, नेपाल पर्यटन भ्रमण बर्ष सफल पारेक लाग वरघर भलमन्सा महतौँ समिति ओ शुक्लाफाँटा नगरपालिका ८ नम्बर वडा संयुक्त रुपमे थारु समुदायके परम्परागत घर निर्माण करके थारु संग्राहालय स्थापना अध्यक्ष बटैलै । यी बरस कोरोना भाइरसके कारण बाहिय पर्यटक नइअइलेसेफे आन्तरिक पर्यटक भर अवलोकन करल वरघर भलमन्सा महतौँ समितिके अध्यक्ष पल्टाराम कहलै । उहाँ कहलै, ‘मणिकाधाम, भम्का, सुनदेवी धाम, बतासे झरनालगायतका प्राकृतिक पर्यटकीय गन्तव्य बा, संगे रहल थारु संग्रहालयसे ठप पर्यटकीय सुन्दरता ठप्ले बा ।

शुक्लाफाँटा नगरपालिका–८ के वडाध्यक्ष बहादुरसिंह महरा उत्तरी भेगमे रहल टमान ऐतिहासिक प्राकृतिक पर्यापर्यटनके साथे थारु संग्रहालयसे ठप पर्यटन प्रर्वद्धनमे टेवा पुगाइल बटैलै । संग्रहालयमे थारु समुदायके जलमसे लेके मृत्युसम ओ थारु लोक सस्कृति, दैनिक जनजीवनके समान धारल अध्यक्ष महरा बटैलै । भल्का क्षेत्रमे थारु समुदायके साँस्कृतिक दृष्ट्रिकोणसे समेत महत्वपूर्ण क्षेत्र रहल ओरसे संग्रहालय स्थापना उहाँ बटैलै । उहाँ पर्यटन सुरक्षा दल, होमस्टे, थारु साँस्कृतिक नाँच घर लगायतके योजना रहल बटैलै ।

पुर्वपश्चिम महेन्द्र राजमार्ग झलारीसे झण्डै ७ किलोमिटर उत्तरी भेगमे रहल थारु संग्रहालय स्थापनासंगं थारु समुदायके लोक संस्कृति अवलोकनके लाग स्वदेशी तथा बाह्य पर्यटकके लाग पर्यटकीय गन्तव्य बनल थारु संग्रहालय व्यवस्थापन समितिके सचिव भागीराम चौधरी बटैलै ।

भल्का क्षेत्रमे दुई बर्ष आघे स्थापना थारु सग्रहालयके हुइल रहे मने विधिवट उद्घाटन गैल बरसके माघ महिनामे हुइल ओ संग्रहालय अभिन विस्तार क्रममे रहल सचिव भागीराम बटैलै । उहाँ कहलै, गोहुँ बुइनी ओरटी की बगरुवा, लाही पेरना कोल्ह, पानी भर्ना कुवाँ लगायत बनैना उहाँ बटैलै ।

थारु संग्रहालयके ठप विकासके लाग वडा कार्यालयसे यी आर्थिक बरस पाँच लाख रुप्या बजेट छुट्टयाइल नगर कार्यापालिका सदस्य विमलादेवी चौधरी बटैली ।

जनाअवजको टिप्पणीहरू