थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०१ भादौ २६४६, बुध ]
[ वि.सं १ भाद्र २०७९, बुधबार ]
[ 17 Aug 2022, Wednesday ]

बेहडाबाबामे अस्थायी प्रहरी पोष्ट स्थापना

पहुरा | २२ कार्तिक २०७७, शनिबार
बेहडाबाबामे अस्थायी प्रहरी पोष्ट स्थापना

पहुरा समाचारदाता
धनगढी, २२ कार्तिक ।
कैलालीमे धार्मिक पर्यटनके लाग उदगमस्थल मन्ना बेहडाबाबामे शनिच्चरके रोज अस्थायी प्रहरी पोष्ट स्थापना करल बा ।

धनगढी उपमहानगरपालिका वडा नं १६ मे पर्ना उ अस्थायी प्रहरी पोष्टके धनगढी उपमहानगरपालिकाके नगरप्रमुख नृपबहादुर वड ओ जिल्ला प्रहरी कार्यालय कैलालीके प्रहरी उपरिक्षक दिलिपसिंह देउवा संयुक्त रुपमे उद्घाटन करल हुइट ।

नगरप्रमुख वड नम्मा समयके प्रयास ओ सक्कुहुनके सहयोगसे बेहडाबाबा क्षेत्रमे अस्थायी प्रहरी पोष्ट स्थापना करे सेकल बटैलै । यी क्षेत्रके शान्ति सुरक्षाके लाग प्रहरी पोष्ट आवश्यक रहे नगरप्रमुख वड कहलै,यिहीहे ब्यबस्थित बनैटी लैजाजाई ।

नगरप्रमुख वड प्रहरी सक्कुहुनके संघरीया रहल ओरसे संघरीयाके ब्यवहार करटी यी क्षेत्रके शान्तिसुरक्षा, सामाजिक अभियान संचालन कैना स्थानीयसंग अनुरोध करलै । जिल्ला प्रहरी कार्यालय कैलालीके प्रहरी उपरिक्षक दिलिप सिंह देउवा समुदायसंग असल सम्वन्ध राखके काम कैना प्रहरीहे निर्देशन डेलै ।

अपनेनहे यहाँके शान्ति सुरक्षाके लाग खटाइल हुई प्रहरी उपरिक्षक देउवा कहलै, सबसे पहिले प्रहरी अपन आचरण ठिक राखे सेक्लेसे समाजमे गलत करुइयाके बारेमे बाट उठाई सेकी यहाँ प्रहरी सहायक निरिक्षक दिलिप सिंह बडालके कमाण्डामे ७ जाने प्रहरी खटाइल बा ।

जनाअवजको टिप्पणीहरू