थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० सावन २६४६, सोम्मार ]
[ वि.सं ३० श्रावण २०७९, सोमबार ]
[ 15 Aug 2022, Monday ]

ट्युमर हुइल असहाय बालिकाके जीवन जोखिममे

पहुरा | २३ कार्तिक २०७७, आईतवार
ट्युमर हुइल असहाय बालिकाके जीवन जोखिममे

पहुरा समाचारदाता
धनगढी, २३ कार्तिक ।
कैलालीके बर्दगोरिया गाउँपालिका–४, सुन्दरपुरके पाँच बरसके अनाथ बालिकाके मुहारमे ट्युमर हुके जीवन जोखिममे परल बा ।

डाई बाबा नइरहल बालिकाके सुघरे मुहारमे बायाँ गालमे ट्युमरके डल्ला आके समयमे उपचार नइहुइलसे ज्यान जैना खतरा रहल बा ।

बालिकाके बाबा बेपत्ता रहल ओ छाई ओसिन जन्मलपाछे डाई दुई बरस आघे दुसर भोज करलपाछे बालिका असहाय बनल हुइट । डाईबाबा कोइ नइरहलपाछे बालिका बडाईक सहारामे बैठल बाटी । हुकहिनहे खाना खैना, पानी पिना ओ साँस फेर्न समेत समस्या हुइटी रहल जनागिल बा ।

बालिकाके ट्युमर जन्मजात हुइन । पहिले छोट रहल ट्युमर अब्बे बह्रटी गैल हुकान बडाई सीता वली बटैली ।

बर्दगोरिया गाउँपालिका–४ के अध्यक्ष पुरन विसि अपाङ्गता परिचयपत्र बनाइक लाग थोरिक कानूनी जटिलता रहल मने राहत सहयोगभर करल जनैलै । बालिकाके मुहार हुइल त्युमरसे अवस्था नाजुक हुइल कारण गाउँपालिकामे बाट धारल ओ उपचारके लाग सेक्ना सहयोग कैना बटैलै ।

जनाअवजको टिप्पणीहरू