महासंघके केन्द्रीय सदस्यके लाग कुँवरके उम्मेदवारी

पहुरा समाचारदाता
धनगढी, २५ कार्तिक । सुदूरपश्चिमसे उद्योग वाणिज्य महासंघके केन्द्रीय सदस्यके लाग व्यवसायी पुष्पराज कुँवर उम्मेदवारी डेना हुइल बाटै ।

कैलाली उद्योग वाणिज्य संघके अध्यक्ष समेत रहल कुँवर अइना अगहनमे हुइना महासंघके चुनावमे केन्द्रीय सदस्यके लाग उम्मेदवारी घोषणा करल हुइट ।

कुँवर केन्द्रीय सदस्यमे अपने निर्वाचित हुइना विश्वास व्यक्त करटी प्रदेशके छोट तथा बर उद्योगी व्यवसायीके समस्या सामाधानके लाग पहल कैना बटैलै । कुँवर अगामी अगहन ११ से १३ गतेसम हुइना महासंघके अधिवेशनमे चुनावी प्रतिस्पर्धा कैना बाटै ।

उ चुनावमे सुदूरपश्चिमके ९ जिल्लाके उद्योग वाणिज्य संघके अध्यक्ष मतदान कैना बाटै ।