थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २३ अगहन २६४६, शुक्कर ]
[ वि.सं २३ मंसिर २०७९, शुक्रबार ]
[ 09 Dec 2022, Friday ]

निषेधित क्षेत्रसे नदीजन्य पदार्थ उत्खनन

पहुरा | २६ कार्तिक २०७७, बुधबार
निषेधित क्षेत्रसे नदीजन्य पदार्थ उत्खनन

पहुरा समाचारदाता
धनगढी, २६ कार्तिक ।
गोदावरी नगरपालिकासे अब्बे कौनोफे खोलामे नदीजन्य पदार्थ (ढुङ्गा, बालुवा, गिट्टी) उत्खननके लाग सम्झौता करले नइहो, दिनभर प्रायः सुनसान रहना खुटीय लडिया मन्से रात–रातके समयमे जथाभावी रुपमे नदीजन्य पदार्थ उत्खनन हुइटी आइल स्थानीयहुकनके आरोप बा ।

‘दुपहरके खोलामे ट्याक्टर नइरहठ’, स्थानीय धना कामी कहली –‘रातके समयमे उत्खनन क्षेत्रसेफे उप्परसे नदीजन्य पदार्थ संकलन करठै ।’

उहाँक अन्सार ट्याक्ट रात निषेधित क्षेत्रसे ढुङ्गा भरके सडक छेउमे धरना करटी बाटै । उहाँ कहली– ‘रातके खोलासे नदीजन्य पदार्थ स्थानीयहुकनके सहयोगमे ट्याक्टरहुक्रे संकलन करैठै । उहाँसे ट्याक्टर लेके नानके सडकमे धरठै ।’

खुटिया लडियामे बन्द्रागाढासे उप्पर उत्खनन करे नइपैना जनाइल बा । स्थानीयके अन्सार अब्बे बन्द्रागाढासे उप्पर पुगके नदीजन्य पदार्थ उत्खनन हुइटी रहल बा । विगत नम्मा समयसे उहे लडियामे गिट्टी फोरके बैठल कमला चौधरी कहठी– ‘अब्बे टे खोलामे ढुङ्गा पैना मस्किल बा । टबमारे ट्याक्टर फे हार्टखोली, बन्द्रागाढासे उप्पर पुगके संकलन करठै ।’

गोदावरी नगरपालिकासेफे अब्बे खुटिया लडियामे जथाभावी उत्खनन बढटी रहल स्वीकार करले बा । नगरपालिकाके आन्तरिक लेखा परिक्षक शाखाके राजेश प्रसाद जोशी कहलै– ‘अब्बे खुटियामे रातके समयमे उत्खनन हुइटी रहल जानकारी आइल बा । नियन्त्रण कैना हम्रे सकारे ओ सा“झके टोली परिचालन करटी बाटी ।’ उहाँ रातके समयमे हुइना उत्खनन भर नियन्त्रण कैना चुनौती रहल बटैलै ।

उहाँ अब्बे जथाभावी उत्खनन कैना एक सय ढेर ट्याक्टरहे कारवाही करसेकल बटैलै । आलेप जोशी कहलै– ‘अब्बे खोलाके ठेक्का हुइनइसेकल ओरसे उत्खनन कैना ट्याक्टरहुकनहे नियन्त्रणमे लेके जरिवाना असुल करटी रहल बाटी ।’ उहाँक अन्सार प्रति ट्याक्टरसे पहिल बार तीन हजार, दोहरैलसे ठप एक हजार रुप्या ठप्टी जरिवाना असुल कैना करल बा । उहाँ कहलै– ‘अभिनसम दुरा चो सम ट्याक्टरहुक्रे उत्खनन करेबेर कारबाहीमे परल नइहुइट । उ ट्याक्टरसे झण्डै नगरपालिका पा“च लाख ढेर रकम असुल करले बा ।’

नगरपालिकाके प्रमुख प्रशासकीय अधिकृत देवराज जोशी नगरपालिकासे तीन खोलामे उत्खनन करैना करके वातावरणीय प्रभाव मूल्यांकन प्रतिवेदन तयार पारके विद्युतिय बोलपत्र आह्वान करल बटैलै । उहाँ कहलै– ‘खुटीया लडियामे केक्रेफे आवेदन नइपरल । टबमारे ओकर फेरसे पुनः विद्युतिय बोलपत्र आह्वान करले बाटी कलेसे गोदावरी ओ खैराना खोलाके ठेक्का मूल्यांकन तयारीमे रहल बा ।’

गोदावरी नगरपालिकासे खुटीया लडियामे चार करोड ८० लाख, खैराना खोलाके ८५ लाख ओ गोदावरी खोलाके ५५ लाख न्यूनतम शूल्क तोकी विद्युतिय बोलपत्र आह्वान करल रहे ।

आर्थिक वर्ष २०७६/७७ मे नगरपालिकासे खुटीयामे आठ करोड, खैरानामे एक करोड ५० लाख ओ गोदावरीमे एक करोड ८१ लाख रुपैयामे उत्खनन करैना ठेक्का सम्झौता करल रहे ।

जनाअवजको टिप्पणीहरू