थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ सावन २६४६, अत्वार ]
[ वि.सं २९ श्रावण २०७९, आईतवार ]
[ 14 Aug 2022, Sunday ]

अध्यक्षद्वयके उपस्थितिमे नेकपा सचिवालय बैठक

पहुरा | ३ मंसिर २०७७, बुधबार
अध्यक्षद्वयके उपस्थितिमे नेकपा सचिवालय बैठक

काठमाडौं, ३ अगहन । सत्तारुढ नेकपाके सचिवालय बैठक हुइल बा । प्रधानमन्त्री निवास बालुवाटारमे दिनके १ बजेसे बैठक हुइल हो ।

बैठकमे पार्टीके दुनु अध्यक्ष केपी शर्मा ओली, पुष्पकमल दाहालसहित सचिवालयके नौ जाने सदस्य सहभागी रहल पार्टीके प्रवक्ता नारायणकाजी श्रेष्ठके स्वकीय सचिव सुरेशकाजी श्रेष्ठ जानकारी डेले बाटै ।

यीआघे प्रधानमन्त्री ओली बुधके १ बजेके लाग बोलाइल मन्त्रिपरिषद् बैठक दुई बजे सरले रहिट । नेकपाके सचिवालय बैठकके समय पारके मन्त्रिपरिषद् बैठक बैठ्लेसे गलत सन्देश जैना कटी बैठक सारल बालुवाटार स्रोत बटाइल ।

कार्तिक २८ के सचिवालय बैठकमे प्रस्तुत हुइल प्रस्ताव तथा पत्रउप्पर ३ अगहनमे छलफल करना तय हुइल रहे । मने, प्रधानमन्त्री एवं नेकपा अध्यक्ष केपी शर्मा ओली बुधके सचिवालय बैठक सर्ना प्रयास करले रहिट । अध्यक्ष ओलीके सन्देश लेके पार्टी महासचिव विष्णु पौडेल मंगर बिहान औरे अध्यक्ष पुष्पकमल दाहालके उहाँ पुगल रहिट ।

दाहाल प्रधानमन्त्री उपस्थित नैहुइलेसे फेन बुधके बैठक बैठ्ना अडान राखलपाछे पौडेल लौटल रहिट । उपाछे साँझके बालुवाटारमे ओली अपन निकट नेताहुकनसँग सघन संवाद फेन करले रहिट ।

कान्तिपुर अनलाइनसे

जनाअवजको टिप्पणीहरू