थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १९ अगहन २६४६, सोम्मार ]
[ वि.सं १९ मंसिर २०७९, सोमबार ]
[ 05 Dec 2022, Monday ]

‘आब औद्योगिक क्षेत्र फस्टाइ’

पहुरा | ७ मंसिर २०७७, आईतवार
‘आब औद्योगिक क्षेत्र फस्टाइ’

पहुरा समाचारदाता
टीकापुर, ७ अगहन ।
उद्योग, वाणिज्य तथा आपूर्तिमन्त्री लेखराज भट्ट कैलालीमे औद्योगिक क्षेत्र फस्टैटी जैना बटैले बाटै ।

कोरोनाके कारण प्रभावित यी क्षेत्रमे औद्योगिक विकास ढिरेसे फस्टैटी जैना बटाइल हुइट । उहाँ कैलालीके टीकापुरमे रहल खाद्य गोदामके शनिच्चरके अवलोकन करटी औद्योगिक क्षेत्रके विकासमे सरकारसे उच्च प्राथमिता डेहल जानकारी डेलै । उहाँ टीकापुरमे मैदा कम्पनी ओ बर्दियाके राजापुरमे चिउरा मिल सञ्चालन कैना तयारी हुइल बटैलै ।

‘लम्की, टीकापुर, नारायणपुर, खक्रौलासंगे हुलाकी सडक जोरल ओरसे यहाँके उद्योग व्यापार फस्टाइ । यम्ने फेन यी क्षेत्रमे सार्वजनिक जग्गाके फेन कमी नाइहो,’ मन्त्री भट्ट कहलै, ‘सडक सञ्जाल अव्यवस्थित रहल ओरसे व्यवस्थित कैना जरुरी बा । सडक व्यवस्थित हुइलेसे टीकापुर क्षेत्रके सम्भावना ढिउर बा ।’

कार्यक्रममे टीकापुर नगरपालिके प्रमुख तपेन्द्रबहादुर रावल टीकापुरमे फ्लोर मिल ओ औद्योगिक क्षेत्र सञ्चालन कैना आग्रह करल रहिट ।

जनाअवजको टिप्पणीहरू